[Eng:S.T.M]

المشاركة الأصلية كتبت بواسطة @أبو عبدالله@ السلام عليكم ورحمة الله وبركاته ..؛؛؛جمعة مباركة للجميع؛؛؛ وعليكم السلام ورحمة الله وبركاته إخواني انا ناوي باذن الله تعالى أدخل صناعية ؛ ونظرا لقصر معرفتي بطلاب بالصناعية حبيت اسأل عن التخصص من خلالكم وان شاء الله أجد اللي يدلني مع دعائي للجميع بالتوفيق ... في البداية ..اسلوب الدراسة : كل ما اسال يقوملو شغل تيمات وانا بصراحة ماني عارف بالزبط ايش يقصدو!! شوف وانا أخوك أنا عارف اش يقصدوا الطلاب، هم يقصدوا أن الصناعية كلها زي الie201، وهو حكم خاطئ طبعا وانا متأكد أن أغلبهم مهم طلاب صناعية، وبالنسبة للتيمات الان بدا التركيز عليها في كل الأقسام مو بس الصناعية بسبب ال abet، و عندنا العادة تكون بس في مشاريع المواد وأحيانا للواجبات وأنا أشوف انها في مصلحة الطالب، لأنها تساعد على التعود على الشغل الجماعي زي بيئة العمل، لأنك لمن تشتغل ما راح تشتغل لحالك، ولا اش رأيك؟!، وكمان ممكن أحيانا تخفف عليك العبء بتقسيم الشغل على أفراد التيم وهل الدراسة بهالتخصص صعبة مقارنة بالمدنية ؟ او بصفة عامة . أنا أشوف أن الصعوبة تعتمد على الطالب وقدراته وليس على القسم، فأشوف هذي المقارنة ظالمة، لأني ممكن اقلك رأيي وتطلع ميولك مختلفة، يعني مثلا لو كانت ميولك للفيزياء وتطبيقاتها والتصاميم الهندسية فالمدنية أقرب لك، لكن لو كانت ميولك للرياضيات والاحصاء و تطبيقاتها والادارة وتطبيقاتها فالصناعية أقرب لك دكاترة القسم ؟؟ شوف وأنا أخوك، في اتفاق شبه كلي على أن أغلب الدكاترة متميزين خصوصا أن فيه وجوه شابة جديدة، لكن في اتفاق اخر أن بعض الدكاترة لازم يمشوا، وهم قليلين ينعدوا يمكن على أصابع اليد الواحدة ثانيا: مجالات التخصص زي مو مكتوب هنا انو بالبنوك ومجموعة صافيولا وسابك ... كأن التخصص محصور في عدد من الشركات ..والقطاع الحكووومي !! وينه؟؟! أول شيء بالنسبة للبنوك، شوف في دكتور عندنا قال لنا كلام عليها بالنص تقريبا: " مع احترامي للي يشتغلوا في البنوك من خريجي الهندسة الصناعية فهم بيشتغلوا في مجال ليس مجالهم"، يعني البنوك بنسبة كبيرة تحتاج الاداري البحت، بالنسبة لصافولا وسابك وحتى أرامكوا و p&g و uniliver وغيرها من الشركات الخاصة كلها تحتاج المهندس الصناعي، بالنسبة للقطاع الحكومي: أول شيء في وزارة الخدمة المدنية ما في مسمى للمهندس الصناعي، يعني نادرا ما تحصل وظيفة باسم مهندس صناعي في القطاع الحكومي، ثاني شي: حتى لو كان في مسمى للمهندس الصناعي فإن الكادر الهندسي لم يعتمد حتى الآن، يعني الحوافز حتكون أقل من الشركات الخاصة إلى أن يعتمد الكادر الهندسي، ولو تلاحظ أغلب المهندسين يتجهون للقطاع الخاص بسبب الحوافز والمغريات ابغى أمثله حية وحقيقية مثلا؛ فلان ممن الناس بيشتغل في البنك الفلاني +الراتب الفلاني +الدوام من ..الى +اجازات مدتها... ابغى كذا مثال ع وظائف هذا التخصص .. مثال على شخص اتوظف: خريج حديث اتوظف ب 9000 الاف تقريبا لكن اعذرني ما اقدر اقلك اسم الشركة، لكن مهو بنك، وبالنسبة للدوام والاجازات، اظن انك زودتها شوية>>> امزح معااك :) بس أكيد اني ماراح اساله وزي ما قلت في البداية اللي يقدر يفيدني فهذا جميل كبير راح تسويه لاخوك المسلم ..وشكر الله لكم عفوا، ولا تنس تستخير ربك قبل ما تتخذ قرارك، وبالتوفيييييق يااااارب

الأجوبة ضمن الاقتباس، بالتـــــــــــــوفيــــــــق ياااااارب