يمكن صح فيه مشاكل بسيطة بس انا عن نفسي اشوف جامعتنا رحححمة مقارنة مع جامعات المدن الثانية وافضل منها بكثير
ومو بس في المدن اللي خدماتها مش ولابد زي ابها ووالقصيم لا صراحة مرة انصدم لما اتكلم مع بنات فجامعات الرياض زي سعود وونورة ويقولو لين ذحين الامن يجلسون يحاسبونا على التيشرتات والاكمام تكون فوق الكوع والبلاك بيري وجوالات الكاميرا مايدخلوها الا بالدس والباب ماينفتح للبنات قبل الساعة 12 !!
وبعض الجامعات زي القصيم ماتنزل مكافأت الطلاب فوقتها كل شهر لا احيانا يجموعها لهم كذا شهر !! خيييييير
صراحة من يوم مااستلمت بطاقتي في التحضيري لين السنة الثالثة ذحين ولاعمرها اتأخرت مكافاتي عن وقتها لا وفي رمضان تنزل يوم 20 زي الموظفين الحمدلله ..
وبخصوص جامعة ابها تخخيلو الطلاب يقولون 6 سنوات ماقد شافو وجه المدير تخييلو هذا وهم طلاب اجل كيف البنات ؟؟ احنا اسامة الطيب يجتمع فينا احنا البنات كل سنة في المسرح صح اني مااروح بس حقيقة الرجال يجتمع بالبنات وسمعت ان الطلاب يقابلهم كل سبت في مكتبه
وعند البنات اللوكر اللي عندنا ب 40 ريال في السنة عندهم بـ 100 ريال وعليها !!
والكراسي اللي في الممرات يأجرونها عليهم كل بنت تجيب بخاخ وتعلم على كرسيها عشان تعرفو !!
وحتى البنات الامن يفتشو شنطهم عند الباب عشان يشووفو معاهم جوالات ولا لا ؟ خير ايش الاسلوب ذا كنهم رايحين سجن مو جامعة احنا مايفتشو الا اذا شافو البنات معاهم اكياس وبرضو اتمنى يبطلوها احس مالو داعي ايش بيجيبو البنات بالله معاهم اسلحة
الحمدلله تقريبا احنا البنات ماخذين راحتنا في الحرم الجامعي عكس اول بكثير عادي نلبس اللي نبغاه بناطيل ووغيرو وونمشي بالايفونات والايباد عااادي الا اذا جاتك وحدة بس تقول خبيه لا دخليه في الشنطة واخر شي فتحو الواير لس في الجامعة كلها بعد ماكانت محصورة الخدمة على المكتبة بسس ..
وبخصوص المطعم سمعت خبر ان المدير امر بخصم السعر 50 % مدري اذا صح لا لا ؟
يعني زي ماقلت في البداية اشوف مشاكلنا بسيطة في الجامعة مقارنة بالجامعات الثانية الله يعينهم حاولو تجمعو كل اللي تبغوه زي مشكلة الدراسات الاسلامية والانكليزي وتناقشو مع الدكتور اسامة يوم الاجتماع وشوفو ايش يطلع
ومعليش اذا شطحت عن الموضوع الاساس بس ذكرت الوضع بشكل عام ومقانة بالجامعات الثانية وزي مانذكر السلبيات فيه ايجابيات كثيرة
وشكرا
