[Life as Game]

المشاركة الأصلية كتبت بواسطة just besh السلام عليكم ورحمة الله وبركاته

وعليكم زيو ..اهلا وسهلا,,

يلا ادخل سيدا على الاسئله بدون لف ولا دوران 1/فعل فعلته في حياتك ندمان عليه ومو ممكن تكرره؟

اي شي اندم عليه ..مستحيل اكررو ..والحمدلله ,,
ومرات من كتر الندم احتقر نفسي ×(

2/هل تعتبر حقا الحياة كالعبه ولا هذا فقط مجرد اسم مستعار لايعني لك شئ؟

ايوا فعلا ,,
شوفي حولك الحياة ..مرة تطيحي ومرة تقومي ..
ومرة تسوي مصيبة ..وتنفذي بجلدك منها ,,ومرة يكفشوك
والادرينالين مرة يرتفع ومرة ينخفض ..حمااااس ,,
ومرة حزينة ومرة فرحانة ,,

ومرة ماتعرفي كيف خرجتي من المصيبة دي ..لولا لطف الله
وصعوبة الحياة كل مالها تزيد مع كبر الانسان
الحياة مرة وحدة ..ليش ما نجرب كل شي فيها ماعدا المحرمات ,,
ممكن حياة البعض مو كدا بس انا حياتي من جد لعبة فيها مراحل وفيها مهمات كتيرة ,,
طبعا 70% منها خسارة

قد لعبتي حرامي السيارات الخامس اللي في بلايستيشن2 ..؟؟
حتفهمي قصدي

3/ انت من المتعصبين في التشجيع؟ ومارأيك في هذا الامر؟

انا متعصب في التشجيع بس اقول كلمة الحق على فريقنا ..
واللي اقصدو اني اشجع النادي بشكل جنوني ..ما تعرفي قد ايش انبسط لما اشوف شي لونو اصفر واسود ,,
بس ادا تعصب وسب خلق الله ..واقول شي في فريقنا وانا عارف اني كداب ..مستحيل
لكن مو احد يجي يسب الاتي ..وما ارد عليه ..مررة انقهر

4/حلم نفسك تتحققه وتسعى له جاهدا؟

والله حلمي احقق امل اومي فيا اول شي واخواتي..بس للأسف ما اسعى جاهدا لاني محبط جدا جدا
وعاد الاحلام التانية تهون ادا حققت الاول..

5/ ماهو الرجل من وجهة نظرك؟

صعبة دي الكلمة ..ومو انا اللي يحدد ,,حتى وجهة نظري حتنقصها حقها,,
الله يعينني بس على تقلها

6/هل انت ضد او مع المقولة اللي تقول (فاقد الشئ لايعطيه) مع السبب؟

امممم على حسب ,,
بس اشوفها صائبة
والسبب دحين لو تبغي فلوس و رحتي عند واحد ما عندو فلوس ..كيف حيديك

خخخخخخخخخخخ افتريت فيك ماشاء الله عليً بس انت شكلك حابب احد يسألك وانا ماقصرت على فكره لي رجعه ههههههههههه >>امزح لك حرية الاجابه

هاهاها خودي راحتك ,,

الله يحييك ..