[‘مـُـٍـُـٍرقآآآآب‘]

المشاركة الأصلية كتبت بواسطة خالد9921 لنفس السبب السابق هو أن تنمية العقول تعني نهاية المُفسدين يا عزيزي وعدم الرضا بوجودهم .. بناءً عليه يتم تتفيه فئات الإبداع وتحطيمها بالقدر المُستطاع مع التمكين للفئات التافهه من اللاعبين والفنانيين والفارغين عملية قلب وعكس للأمور معروفة .. هم عاكسون للحق اساساً .. المفروض ان يكون هذا هو الهدف الاساسي (نهاية المفسدين ) الم يشبعوا من اعاثة الارض بالفساد وتملك خيرات البلاد بدون وجه حق ..الى متى ونحن تحت رحمة الالوية الغربية وتسليمها كامل امالنا وطموحاتنا وحتى امور معيشتنا الاساسية ...! أخربت بيوتهم وقتها مع وجود الإخلاص وعدم الإنتفاع .. الله يجعلها تخرب ياشيخ ونفتك من كل واحد يقدم المصلحة الشخصية على مصلحة البلد .. شوف عزيزي تبي تشوف مهارات هجر والفتح ابشر بعزّك 6 قنوات امّا قنوات تفتّح عقول الشباب وترفع من هممهم وقوّتهم الفكرية معليش يالطيّب بتخرب بيوتهم إنت ..! فالأمر واضح يا رجُل والجميل إنك جاي توضحه هنا .. ياخي قسم بالله ملينا ..وعاد لو الست القنوات ذي ابداع قلنا يالله ماعليه تطور رياضي مانقول لا .. لكن ان حتى فالرياضة فاشلين .. وحنا اكثر شعب مهجول وداعس على رقاب الارض من كثر ماجرى فيها ومترها تمتير والله وانا اخوك لو الود ودي يخرب بيت كل واحد من اللي مايهمه الرفعة المجتمعية ..ومايشيل هم المجتمع اللي هو خارج منه .. ومااعتقد انه يمثل لااخلاقيات ولا مباديء ولاافكار هالمجتمع ولايدري عنهم شي .. فهو ماغير مصيف في باريس اللي فيها البرج هذاك وتاركله قصرين هنا للخدم يجيبون عاليها واطيها فذا القصور اللي مساحاتها لو بنيت فيها مساكن للشعب انتهينا من احدى المشاكل اللي نمر فيها ... الشكوى لله يارجال بعد إذنك بهالنقطة أبي اغيّر المود لكرة القدم بالتحديد .. لأنّهم طباخيين .. وكم فرحت كثيراً عندما أخرجتهم استراليا فرحت لأنّي ما ابغى الفشل يستمر ويبان وكأنّه صحيح ولاني رحمتهم .. اذا اليابان واستراليا تطقك على 5 و 4 وش تبي في اسبانيا والا المانيا في كاس العالم تبي 20 - 0 مثلاً ؟ الجماعة فاهمين التطوّر الرياضي إنّه طويلين العمر يسيطروا ويتم بعزقة الأموال عالفاشلين وإشغال الشباب على فاشلين واللي مالهم نظام رياضي إنضباطي وخلاص دام بعزقت هالملايين راح تنافس دولياً ..! هاذول ما يحسّون بقيمة الإنتاج وقيمة المال وقيمة لفت الأنظار للإبداع الحقيقي ورب الكعبة أوروبا ماهي كذا تصرف ملايين على تعاسة وبلادة !! هناك عندهم الكورة صناعة بالفعل ومافي دولار يروح هياطاً وعبطاً مافي شي اسمه طويل العمر مسيطر مالياً وهو يسيّر كل شي بكيفه فيه شركات ورجال اعمال هي اللي تدعم بما يحقق ربحية للطرفين ولعل الأمثلة كثيرة من ضمنها حتى منتخبات مب أندية مثل المانيا ومرسيدس وشراكة الدعم الدائم .. مافي شي اسمه ارمي ملايين على أي لاعب وانتهينا مثل الحاصل عندنا فيه شي اسمه لاعب مُحترف فعلاً حتى لو له مشاكل اخلاقية هو يعطي احترافية عالية في مجال عمله وهذا المهم في العمل .. يتمرّن ليل نهار .. منضبط غذائياً منضبط ذهنياً منضبط من الناحية العملية بكل شي ولذلك اللاعب اللي ما ينضبط حتى غذائياّ أو ذهنياّ ينتهي في اوروبا والامثلة كثييييرة .. ولذلك ايضاً هم يقدرون قيمته حسب مهاراته وانضباطه فقط مب تهريج وهبل مثل اللي صاير عندنا والمحصلة فشل عالمستوى الخليجي حتّى .. ! ومافي شي اسمه استنى طويل العمر لين يقدر يبني ملعب والا ما يقدر .. خلاص فيه شركة تبي تسوي اعلانات عندي وتستفيد وتبني لي ملعب .. اوكي مثل ارسنال الانقليزي وملعبهم ملعب طيران الامارات .. فالجماعة مرة متأخرين وفاهمين السالفة غلط وبقوّة والمصيبة إن الجيل الجاي مضحوك عليه حسباله أساطير كروية ذي تستاهل الشوفة ! بعدين سبحان الله بانت الفروق العلمية والتقنية والتخطيط جامد في 2002 لمّا تم افتراسهم من ألمانيا 8-0 مع هدف أو هدفين ملغية للألمان .. فـ هاذول يحسبون هناك نظامهم طقها والحقها مب تخطيط وطرق لعب واستراتيجيات وتجارة جامدة يارجُل ماعاد اقدر اقول شي هنا جبت اخرتهم قسم بالله لكن عندي ملاحظة ماشفت نظام الخصخصة الجديد اللي زيه زي نظام الشورى يعني مقعد بلا سلطة ولا شفت خوينا اللي جايب بنته والثاني اللي جايب ولده فالملعب ياخي مدري ليه محسسيني انه رياض اطفال الملعب ولا بعد اعجبني تسليك اللاعبين للبزر خبرك ( قول لابوك احب فلان مرة ) وشوفلك كم ظرف تسد جوع 34 قبيلة حولك..! نرجع نكمّل بعيداً عن الرياضة إلا شخبار أبو كشغري ؟ مبطي عنّا الولد .. ! يا رجّال شفت ذا عبده خال ودروسه الرومانسية في ملتقى المثقفيين ؟ لو كان شاب عادي من العامّة لداهمته جيوش الهيئة باركها الرب ولا ازيد اكثر على تركي الحمد وأمثاله في المكانة الوظيفية المعروفة .. !! بالمُختصر عندك ظهر جامد عادي اطلع بكفريات مافي مشكلة وحسبنا الله .. وترى كثروا هالقذريين في يوتيوب الحين .. ما لقوا جديّة بالردع أبداً .. كاشغري ياخوفي موفرله قصر برا ومعين خير امااااااااا دروسه الرومانسية .. اثره يجي منه خوينا طلع ماهو بهين .. واللي يروحله الحين يعني متقبل الفكرة انه يدرس عند عبده خال درس رومانسي يارجال لااثور فيه الحين خلنا منه تراه رافع ضغطي .. ايه الهيئة باركها الرب مسيرة ماهي مخيرة ومثلك عارف ولا والله ان تفك جبهة جديدة للجهاد على راس عبده خال والحمد وطقتهم وبالنسبة للي الحين طالعين باليوتيوب ..الحين خل اللي تعاطفوا مع كاشغري قبل مدة يعرفون عمى البصيرة اللي كانو فيه ..ويعرفون عمق التصور عند المشايخ والعلماء ..تونا ماقلنا حمدلله الا وطالعلنا كم بزر بعده على نفس النهج ..! قلتها سابقاً ... أي شي فيه تنوير للفكر على صعيد كبير معناته نهاية الفئة الفاسدة .. ولا يغيب عنّي المراكز الصيفية تبع المُلتزمين بالسنوات الماضية والتي تم إقفالها انصياعاً للأوامر الامريكية تجاه هالمراكز وجمعيات التبرعات .. مانكبنا الا الخطط الغربية والانصياع لها وانا اخوك ولاقيدنا طيبين .!. أبد المطالبة بحق بسيط في جامعة أو حق توظيف ماهو الا عمل تحت أجندة خارجية صفوية تخسأ وبئس المصير .. !! يا رجل شف الحنان الزايد مع شيعة القطيف ومع رجال دينهم اللي بصريح العبارة يشتمون حكّامنا ونظام الحكم علانية وشف كيف يتعاملون عندنا مع تجمّعات فيها وطنية وحب للحكّام عندنا وكل هدفها فقط مطالب إنسانية حياتية بسيطة .. وكيف يتعاملون مع شيوخ طلعوا يعلنون الولاء للدولة ومطالب عدلية مثل يوسف الأحمد وإنت تعرف كل شي .. المشكلة انها وبئس المصير ولا كان الامور طيبة هنا ياخوي تجيك المعالم المغلوطة للسياسات الداخلية وكيفية تسيير الامور .. فعندما تبدأ تدخل في سياسات الدولة المخاوف الدولية والضغوطات الخارجية يصير اللي انت تشوف الحين .. ولو لو كان الامر استقلالية مطلقة تحت الشرع والدين ماكان شفت المآسي اللي حنا فيها .! يا سلام عليك هالنقطة فعلاً حاصلة وتخيّل في القطاع الحكومي .. العسكري بالتحديد انا مروّا عليّه شباب والله مساكين كرفوا وتعبوا في كليات مثل العلوم والإقتصاد يعني حرام تعبوا وحازوا على البكالريوس واخذوا أمر أكبر من المستوى الثانوي تخيّل وش قالوا لهم في قطاع الدفاع المدني التعيس ذا ؟ بعد المفاضلات وبعد الواسطات وبعد المعاناه والهوشات لين وصل للتوظيف وقّع على إقرار انك تشتغل عندنا بدرجة الشهادة الثانوية فقط وإنّك ما تطالب أبداً بالترقيات والعلاوات بناء على البكالريوس لين تتقاعد بالعربي انسى شهادتك الجامعية .. !! ظُلم .. وإستهتار بالدراسة الجامعية وكفاح الإنسان وتعبه .. مااقدر ازيد عليك ..سطرت اثر المشكلة بمثال واقعي ..مااقول الله حسبي الله ونعم الوكيل اشاركك الأمنية لأن هاذي فعلاً صفة التعيسين الانبطاحيين .. اي هاذول يجي يقارنك في الصومال وإلا لبنان وهالدول الطفرانة ! ما يقدر يقارنك بـ قطر اللي فواتيرها كهرب وكل شي مجاناً وبترولها أقل بكثييييير بل ما يقدر يقارنك في الإمارات اللي ما عندها ثروة بترولية وغازية تُذكر ولا يقدر يجادلك في تقنية ونهضة دول ما عندها 10% من مواردك الطبيعية وثرواتك وللمعلومية عدد شعبنا قلييييل يكفيك بس آخر تعداد 6 مليون أجنبي عندنا فقط من الهند .. فالرد عليهم سهل ولله الحمد والمنّة .. وش خليت وش بقيت .. ياخي والله العظيم اني ماادري وش ازيد عليك لكن حبا واحتراما وتقديرا لهذا السرد العظيم المليء بالفكر والنظرة الواقعية والرؤى المستقبلية مااقدر ارد عليك برد بسيط ..ولا اني ماعندي اي اضافة تذكر لماذكرت انت الله يسمع منك نتمنى والله .. [/center] ليس فقط وضع اللوم بل لو لم يتم هذا الأمر فهم مُقبلون على كارثة وطنية بالسنوات المقبلة وحينها لن يفيد الرجوع للخلف .. نقول ان شاءالله يتم تدارك الامور قبل الوصول الى هذه النواتج والشق هذا أكبر بكثيير من محاولات الترقيع الأخيرة جدأ أكبر جدأ والله يا نابغة زمانك إن موضوعك هذا أقدر اسمّيه مكتبة شباب وبنات الوطن من أول قراءه له حسّيت إن قدّامي كتاب يُفصّل الوضع حقيقةً وليس مجرد موضوع .. اللهم آمين وانا فخور جدأ أنّي استقبل أفكارك النيّرة وأقوم بنقاشها وإبداء الرأي فيها ولعلّك ذكرت نقطة مهمة جداً وهي الروح الإنهزامية في بعض الشباب والفتيات وإن صوتنا ما يوصل ووش الفايدة من كلامنا وانا اقول لهم نفس كلامك .. أوّل لبنة في المجتمع هي الأفراد القلائل وإن أي إنسان يستفيد من معلوماتك ولو كان واحد فإنت بذلك حققت فائدة قويّة .. اللهم آمين طرحك يا عزيزي أكبر بكثير من إنّه ينال استحساني اقسم لك إن أحرفك هذه بمثابة موسوعة إجتماعية وطنية لشبابنا وليست مجرد موضوع ولذلك أتمنى من الكل إنّه يأتي ويناقشها ولو على الأقل يناقش نقطة واحدة من النقاط نُريد أن نستفيد .. نُريد أن نرسل أفكارنا ونرى الأفكار الآخرى بكل إيجابية أقف عاجزاً عن شكرك يا عزيزي وانحني لقامتك تواضعاً وتقديراً أمام هذا الطرح الخيالي لعلّي أعطيت محاور هذا الطرح ما يستحق من النقاش ولا مانع من الإستزادة خلال الأيام المُقبلة مهما شكرتك لن أوفيك شكرأ على إستجابتك وإلهامي بـ فكرك العظيم دُمت مناراً للعقول العظيمة اطراء من معاليكم اطلب من الله عزوجل ان يجعلني استحقه وان نصل الى مانتنظرون به الينا .. ويعلم الله وحده كم اخجلني ردك ..بحيث انك اطلقت العنان لقلمك تبارك الله لتسطر كل هذا السرد الذي اقسم بالله العظيم اني لم ارى مواكبة لشتى نواحي موضوع يطرح الا في ردك .. واني لم اجد نفسي قادرا على الرد لان كلامك لايقبل الرد ابدا ..ولاحتى الزيادة ولكن ابت علي نفسي الا ان احاول ان اعامل الكريم بالمثل ولو اني لم اصل الى مثله وهذا كله ينبثق من كرم اخلاقك ورفعة نفسك التي لاترضى بالقليل وتأبى الا ان تسطر كل ماتملكه من درر في قضية تخدم المجتمع .. [/center]

عموما لااظن اني لدي القدرة لان اجمع تناثر الحروف لتركيب الجمل التي تليق بك فانت اكبر منها
لااقول لك الا :
شكرا شكرا شكرا
شكرا شكرا شكرا
شكرا شكرا شكرا
شكرا شكرا شكرا
شكرا شكرا شكرا
شكرا شكرا شكرا
شكرا شكرا شكرا