[فلسفة مهندس]

CHE 201 introduction of chemical eng
هذه ماده جدا سهله وبسيطه وممتعه .. ودكتورها الشهراني جدا متعاون

واختباراتها اوبن بوك .. وتجي اغلب اسالته من نفس الامثله اللي بالكتاب

بصراحه الماده هذه اللي يجيب فيها اقل من B+ حرام

لكن بالاختبار النهائي لاحظت انه يجيب سؤال واحد صعب شوي .. يميز فيه الطلاب الممتازين

باختصار ماده سهله وبسيطه ولاتشيل لها هم ابد

CHE301(themodaynamics
هذه اخذتها الترم هذا .. دوبي مخلصها

ماده بالنسبه لي كانت ممتعه وحلوه .. ودكتورها الي درسني هو احمد الشاذلي

دكتور مرح ويحب يمزح وشرحه يفهم بشكل جيد .. بس كان يهددنا من ناحية الدرجات .. بس بالاخير ماشاء الله طلع طيب ودف كثير من الطلاب
ولو قدرت تاخذ ملخصات اشرف حراء لها .. تستفيد منها في بعض الفصول اللي فيها قوانين كثير .. خصوصا الجزء الثاني من الفصل 3 .. والفصل الخامس

CHEM 231 ORGANIC

ماودي احبطك .. بس صراحه الماده هذه مامشت معاي .. وجبت فيها درجه واطيه

لكن فيه طلاب جابوا درجات لاباس فيها .. والسبب كانت الاساله للدوري الثاني والنهائي .. جاتنا ضربه قويه

بس فيه دكتور اسمه الشيستاني .. اذا قدرت تاخذ عنده فخذها ..

وفيه الدكتور مكي انا درست عنده .. شرحه يفهم وجميل ... بس الاساله تجي صعبه

ومعملها متعب وطويل .. بس اختباره سهل ومذاكرته سهله .. وتقدر تجيب فيه درجه

يعني ماده يبيلها شوية كرف ومذاكره والله يعينك
ISI 203 islamy
هذه مايحتاج تسال عنها ..بسيطه

CHE 331momentum transfer

درستها انا عند الدكتور جابر ...

الماده صعبه شوي وافكارها معقده

لكن الدكتور جابر اسالته كلها من اساله الواجب اللي يعطيك اياها .. يعني احفظ حلولها وافهمها وتحل باختباراته ان شاء الله تمام التمام يعني لاتشيل هم من صعوبه الماده لانه الاساله محدده باساله الواجب اللي راح تجيك



والله يوفقك ان شاء الله الترم هذا .. وتجيب كلها إي بلسات <<< تتوقعون قد صارت لاحد بالجامعه وجاب كلها اي بلس