اولا انا ادرس في ابن سينا
بس الطب هوا نفسر في كل مكان
النظام نظام بلوكات
بعدين نبدأ ناخد كل جهاز بأمراضو و اشيائو و الادويه و شويه شويه من ل ماده ( الي يتعلق بالجهاز)
الدراسه تتفهم
مره واضحه جدا
بس لازم تزبطي وقتك وتنامي كويس وتحضري
انا لمن افوت محاضره اتبهدل شويه
حاولي اول بأول
بالنسبه للدراسه من فين..
انا جايبه كتب احتباط لأنو نحتاج نطلع اشياء احيانا
+ انا احب احضر منها ( عشان مايكون في شيتات في البدايه تتأخر احيانا شويه)
بس عندنا الباثولوجي لازم من الكتاب بس كم مره طنشت ومسكت الشيتات و الحمدلله مشي الحال كمان انا اسجل المحاضرات و اسمعها واقعد اكتب براحتي
الطب ماشالله مره ممتع والله من جد تستمتعي
بس manage your time well
وكمان كتير حتضطري تفوتي مناسبات وجمعات وحفلات عشان تخلصي مزاكره ولاتكوني خلاص انتهيتي على الاخير لازم تنامي ومنتي لاقيه وقت فتضطري انك تفضلي النوم
وترا يختلف من شخص لشخص
الطب انا صراحه احس صعب ينمشي في من غير صحبات كويسين
لازم تشوفي الصحبه الي من جد طيبه وضميرها حي لأنو في ناس تضيع يالطيف
وامكن محد حيقولك دي المعلومه بس كتير حتقابلي وحوش في كليه الطب
يعني يقولولك نبغاكي ليدر حبيناكي قولي شكرًا ما ابغى
من جد فكري في نفسك وبس (وساعدي غيرك عشان تتوفقي) بس ازا الشي يطلب منك مجهود فوق طاقتك نصيحه لوجه الله بعدي عنو
البرزنتيشنات حاولي مع نفسك بس اي شي تتعبي في لنفسك وصحباتك صحبات عشره السنين وبس
كل الناس ماحتتقبل انك احسن للأسف من جد كتير كده في الكليه
درجاتك لحد يدري عنها لاتقولي
يعني انتبهي
انا باقلك الكلام دا لأنو كتير قالولي قبل ماخش وماصدقت الين ماشفت الناس من نفسي فا انتبهي
وزاكري كويس
وريلاكس مهو صعب
بالعكس الدراسه تفتح النفس بس ازا انتي مزبطه اوضاعك
اتقربي من الدكاتره اسألي كتير اقعدي قدام
نامي بدري
وبس
اتفضلي اسأليني اي حاجه حاسه انك حترتاحي اكتر اسألي