[lovely one]

المشاركة الأصلية كتبت بواسطة patricia ترى عندنا نفس اللي عندهم.. في ضرب، وزنا محارم، في حريم بتصرف ع أشباه الرجال، ف أباء بيطلقوا وياخذوا عيالهم وهم مو كفو يربون قطاوة عشان يربون أوادم وأخرتها الأم تسمع بخبر وفاة طفلها تحت يد مرة الأب والخروف اللي معاها.. لا واللي ينقاله طيب وحنين يرمي عليها العيال ولايصرف عليهم .. وفي بعضهم تصبر ع الذل والإهانة لأن الطلاق في شرع مجتمعها خطية ((( عندهم المرة من بيت ابوها لبيت زوجها لقبرها )) .. في بنات عايشين عيشة الخدم عند أهاليهم .. هالكلام ماجبته من راسي .. سوالف جرايد ع حكاوي بنات في المنتديات النسائية اللي يشيب لها الرأس .. أدري إن الإسلام بريء من كل هذا بس ملينا من رسالة انتي ملكة ...!!!!!!

+10000

من عارفه اش الفائدة من ورا دا الفيديو كلنا عارفين انو الاسلام كرم المراه المشكله من المجتمع
هناك ما عندهم دين يحكمهم فعشان كدا بيعملو كل شي يبغوه ...ماهم متمسكين بدينهم زينا

الانتحار عندهم شي عادي الاسلام حرمو في الدنيا وضع عقاب له في الاخره
تانيا مين قال الاختلاط حرام ؟؟ جيبولي دليل صريح انو الاختلاط حرام !!! انتو عارفين انو في زمن الرسول النساء والرجال في المسجد ما كان بينهم حاجز كان النساء يصلو خلف الرجال بدون حاجز ؟؟؟ هل صعب على الرسول انو على الاقل يامر الصحابه انهم يحطو قطعة من القماش بينهم ؟؟ اتوقع بعضكم ما يعرف دي القصه لانو اغلب الشيوخ المتشددين ما يذكرو دي القصه لدرجة انهم حرمو الاختلاط !!
في زمن الرسول هل كان في اسواق للنساء واسواق للرجال ؟؟

لمن حضرتك تروح المستشفى تطلب مين يكشف على اختك او مرتك ؟؟ دكتور ؟؟ طبعا لا تطلب وتصر انها تكون دكتوره من حقك طبعا بس لازم ترضو انو يكشف على نسائكم رجال مدام انكم مانعين بناتكم واخواتكم من دخول الطب بحجة الاختلاط..يعني ما تبو رجال يكشفو على نسائكم و فنفس الوقت ما تبو نسائكم يدرسو طب ...فهمونا اش تبغو بالضبط ؟؟ تناقض عجيب
الشي الوحيد الي مخلي مجتمعنا افضل هو الاسلام الي ما زلنا متمسكين فيه

بعدين الفيديو كان مليان احصائيات للدول الاجنبيه احنا للاسف ما بيعملو احصائيات وان عملو فهي قليله جدا
و احد الاحصائيات ذكرت عن الاغتصاب و قلة الحالات التي يتم التبليغ عنها !! اتوقع حتى احنا اغلب حالات الاغتصاب الي تحدث هنا كمان ما يتم الابلاغ عنها لانها تعتبر خزي وعار معا انو البنت هيا الضحيه

نجي للتحرش الجنسي .... التحرش الجنسي يكون : لفظي: تعليقات على المظهر ـ غير لفظي: التحديق أو التصفيرـ جسدي: من اللمس غير المرغوب به إلى الاعتداء والاغتصاب ...
اتوقع معظم البنات تعرضت لاحد هذه الانواع حتى لو كانت بنقاب بالزات اللفظي وغير اللفظي
هل عندنا دراسه توضح عدد الفتيات المتحرش فيهم في السعوديه زي ما ذكر في الفيديو عدد الفتيات المتحرش فيهم في الدول الاجنبيه
وبعدين عدد سكان امريكا 307 مليون نسمة بينما عدد سكان السعوديه 28 مليون نسمه (امريكا عدد سكانها اكثر ب 10 اضعاف سكان السعوديه) ف لكم ان تتخيلو من فين جات هذه الارقام المهوله

ترا عندنا مشاكل زي المجتمعات الاخرى ولكن ممكن تكون بعضها بنسب اقل محنا مجتمع ملائكي ...