[فاكوندو]

المشاركة الأصلية كتبت بواسطة فاكوندو الله يعطيكي العافية حبيبتي والله مو عارفة ايش اذااكر بالضبط احسها مررة كثيير انتو ايش تذاكرو وايش هوا اهم كتاب يعني اغلب الاسئلة تجي منه ؟؟!! ويجي نفس اللي ف الكتب ولا يشبهه فتحت واحد من اللي حملته واحس اني لو قعدت اذاكر منه ما بخلص الا وانا حولا خخخ مرررة صعب انه نذاكر من كمبيوتر --- والله الى الان ذاكرت صفحتين من كتاب اسمه دليل القدرات تخيلي عندي يمكن حقت عام 1426 و1427 لما فتحتهم لقيتهم كلهم زي بعض وانا اخم نفسي واقول بذاكر كتابين شوفي اول شيئ ،، الكتب لاسترجاع المعلومات .. ومن بعدها راح تعرفي تحلي الاسئله وعشان تحسي انك مستوعبه بعد ما تذاكري كل مادة امسكي التجميعات حق السنين الماضيه وحلي هي التجميعات مرره مهمه واصلا تتكرر كثير الاسئله غالبا . عن نفسي عندي كتاب رام كمرجع اساسي بس مو كل المواد منه ،، انا بديت كيمياء .. جزئية الكيمياء العضوية فيه مرره ماهي مذكورة وهي اكثر شيئ مهم في التحصيلي فذاكرت الكيمياء العضوية من مذكرة رائز طبعت هالجزئية و مره حلوة ومبسطة هالجزئية ومرتبه فيها وبقية الكيمياء من رام . ... الفيزياء رام مرتب لك التعاريف والقوانين كلها راصها تحت بعض والفيزياء مايباله كذا يباله شرح والاسئله في رام حق الفيزيا *ـ* ياساتر ،، تحطيم لابعد الحدود ولا كانك دارسه .. فذاكرته العام من مذكرة رائز كامل القسم حلو ومشروح كل شيئ فيه وممتع . تستفيدين من رام في التعاريف كلها مجموعه ،، والمعلومات النظرية ،، والوحدات والاجهزة ،، لكن كشرح وعشان تستوعبي القوانين احسه ماينفع . .. الاحياء برضه العام ذاكرته من رام كاامل وما تطرقت لاي شيئ ثاني . .. الرياضيات ذاكرته كامل من رام واضطريت ارجع لاشياء من دفتري الرياضيات حق ثالث ترم اول وثاني وكم معلومه بحثت عنها . .. الانجلش العام جبت ال85 في التحصيلي بدون لا اذاكرة وكمان ماني مذاكرتة .. اللخطأ اللي ارتكبته العام اني ماذاكرت تجميعات واعتمدت على مذاكرتي بس ،، مريت عالتجميعات بشكل بسيط وما اهتميت لها ،، لكن من بعد تجربتي للقدرات الاخيرة اكتشفت ان التجميعات مررررره مهمه ،، لانها تبين لك اش تذاكري واش تهملي .. لانه اصلا لا تتعمقي كثير في الاشياء اللي مايجي منها وكمان ذاكري بتركيز . انا الحين خلصت الكيمياء ومسكت تجميعين للكيمياء .. انبهت لاشياء اهملتها ،،واشياء كنت افكر ارجعلها بس لقيت انها غير مهمه . ممم اش كمان هرجي كثير معليش استحمليني / الكتاب اللي بيكون مرجعك الاول خليه لا يكون الكتروني لانك بتنحولي ،، ولم يكون ورقي راح يكون معك في كل وقت وبتقلبي فيه حتى وانتى تتفرجي وكذا يعني بتستسهلي المذاكرة يمدحون قبول 2 وتحصيلي كمان .. انا حملت كتاب تحصيل افكر اذاكر منه الرياضيات كثير قالوا لي انه جيد . / راح ارفع لك التجميعات اللي عندي ،، ومذكرة رائز ،، وكتاب تحصيلي ،، رام اعتقد اني دورت عليه ومالقيته اذا لقيته برفعه كمان لكِ . ... بالنسبة للقدرات دليل الطالب هذا مسكته كمان ،، فيه معلومات حلوة بس غشاااااش ،، الامتحانات التجريبيه اللي ورا مافي شيئ من اللي قدام *ـ* نصيحة من تجربتي الاخيرة حق القدرات كتاب القوانين الذهبيه راائع شارح الاستراتيجيات اللي جد يجي منها في الاختبار والتجميعات مرره مهمه كمان .. راح ارفعهم لكِ . اي صح في موقع للتدريب من قياس اطلقوه لسى قريب برضه مرره حلو ،، http://elearning.qiyas.sa/ ممم اش كمان اش كمان تقريبا هذا كل اللي حاضرني واذا تذكرت شيئ كمان برجع اي صح شوي وارفع لك الكتب لانه الخط ثقيل وبياخذ وقت ، اتمنى اكون افدتك ^ـــ^ وانتِ قولي لي اش تبي وانا حاضرة

الله يوفقك ويسعدك دنيا واخرة
صحيح اني اول ما قرأت الكلام ما استوعبت ولا شي بس الحين قراته مرة ثانية وعنجد استفدت كثييييير يعني بصراحة اول كنت احس اني متلخبطة وموعارفة ايش اذاكرولا من وين بس الحين الله يريحك ريحتيني كثيييير واحس اني رتبت افكاري