[امار]

السلام عليكم و رحمة الله وبركاته
كيفكم يا حلويــــــــــن و يا حلوات ؟؟ اتمنى تكونو بخير ...


دحين انا عندي سؤال ...نسبة 4.7 تدخل طب ولا لأ ؟؟؟

حاسة اني انخنقت .. معقولة ادخل طب ؟؟ وهادا حلمي و طموحي و رغبتي ... وامنيتي في اني اعالج بابا .. واوقف معاه .. هل كل هادل راح يتحقق ....
هل فعلا بعد طول انتظار راح يسير الشي المنتظر .. كل بنات الجامعة ما شا الله جايبين المعدل الكامل
كلهم 5 ما شا الله تبارك الله ... والله احس اني اغبى من الغباء نفسو واغبى منهم .. احس بــ كره لذاتي وكدا .. هادي المشاعر ما كانت موجودة بس بعد الدوري التاني .. جات هادي المشاعر مع انو الدرجات لسة ما طلعت وانا الحمد لله متفائلة .. لكن والله شي يخنق شي يدبح .. اذا انا من قبل الاجازة وانا ادرس

وفي الاجازة كمان .. تركت كل التجهيزات لزواج اختي و ما كنت انزل ع المولات بس عشان ادرس .. يعني واخرتها احس بهادا الاحساس ... و الله شي مايتسمى ..

يعني انا دايما اقول .. ان الله لا يضيع اجر من احسن عملا .. واعرف انو ربي اعدل العادلين .. ومواضيعكم اللي تفتح النفس كانت تخفف علي كتــــــــــير والله .. بس برضو هالمشاعر الغبية موجودة .. اشوف البنات واقول سبحان الله ما يمسكو الكتب و جايبين خمسة ... وانا اللي افحط جايبة 4.7 ... يعني معقولة بالله بياخدوني و بيتركوهم .. هل انا غبية ؟ والله انا مني انسانة متشائمة .. وحتى اسمي أمل .. واقرى كتب عن الطاقة الايجابية .. بس ليش هالشعور ياربي ؟؟؟ ليش يجيني احيانا ؟؟ليييييييييش ؟؟