[مصره على قراري]

تناقشنا سوا وقلتلها اني دونت موقف حزين او سيئ حصلي من فتره في دفتري الخاص

وطلبت مني انشره

او بالاصح ادونه هنا .,

ونقولها حاضر .,~


طالبه فالصف الثالث ابتدائي
في امتحان القراءه (وقتها كانوا يختارولنا جزئيات نقرائها وناخذ عليها الدرجات النهائيه)

جاء دوري كنت في اخر القائمه والصف ايضا (عشان زحمة الكرسي المتحرك)

استاذتي الفاضله او (زي ماتربية اوصفها): لحول مريم
مالي خلق اقوم لعندك ياخي جابيلنا ..... <<(لفظ ما ينقال للامانه)
جيبولهم حد يشتغل عندهم مو نقوم ونقعد عشان حاظرها ......الخ

من الاسلوب اللاذع بالوصف والتعامل

كله عشان مالها خلق تقوم لمكاني وتحدد لي الجزئيه الي اقرائها

(ساحبين منا كتبنا ولا كان فتحت كتابي وخلصت)

ردت فعلي بكل بساطه

استاذه اقدر اتحرك لعندك دقيقه بس .,

كنت قادره اتحرك وسندت من طاوله لطاوله لحد ماوصلت عندها

وظليت واقفه واقراءة واقفه (رغم انوا كل الطالبات كانوا يقرأون جالسين)

طبعا مسنده على الطاوله ماكنت اقدر اوقف لوحدي

بنص القراءه قالت: اجلسي ياماما وش فيك واقفه

قلت امي مو مثلك ولا عمرها بتكون

للامانه كنت ومازلت سريعه بردودي وحاده وما اهاب احد

^^

ايش بتخسر لو هزت طولها شوي وقامت لطاولتي او مدت الكتاب من بنت لبنت لحد ما يوصلي
او ارسلت اي بنت من القريبين عليها .,؟

شخصيه مريضه .,

قابلتها قريب وبمكان ما كانت متخيله اني اوصله

بس وقتها انقلبت الادوار انا (المسؤوله) وهي (الي لها حاجه)

عرفتها كويس وبدلت بيني وبين صاحبتي عشان ما تعرفني وتنحرج

بس عرفتني وسكتت اظن انو كانت تفكر تترك المكان
بس ماقدرت لان ورقها خلاص صار على طاولتي .,

درستني بالابتدائي والمتوسط وطول هالسنوات بنفس الاسلوب
رغم اني تعافيت

بس استمرت تناديني بالوصف الي تركته فراغ ., فوق


الدنيا صغيره ., وتدور ., لازم نقدر هالشي

ومن فتره قريبه دارت بينا

بس ماتربيت على اني استغل هالشي


^

هذا احد المواقف يا نيرو
كتبته هنا زي ما طلبتي .,