eva160
شكرًا عزيزتي :)
بس فيه شي إن شركة الروابي غير ان التدريب حقهم بالخبر كمان ما تقدم لا سكن و لا نقل لا شي :/
---
أبستفسر لو في أحد يعرف أي شركات ثانيه للتدريب الصيفي :(
بيقرب الصيف و أنا مقدمه ع شركات بس ما في أحد ردلي أكيد أو لا :(
إللي عارفين بليز ممكن تقولولي إيش فيه شركات تفيدني بالتخصص "كمبيوتر - تقنيه معلومات أو نظم معلومات"
شكرًا
|
والله انا زييك اتمنى اكون في جده لانو مره من جد نفسي اكون في جده وقت اجازتي واشتغل نفس الوفت. ان شاء الله يسير خير
بالصراحه معظم اماكن وبرنامج التدريب اللي بحثت عليهم في النت والتواصل مع الشركات كلها في الشرقيه، على فكره شركه الروابي انا قدمت عمل تطوعي معاهم في جده بس ماعندهم تدريب في جده. ان شاء الله لما يجيني خبر منهم عن فكره التسكين في الخبر راح اديكي خبر.
عن ارامكو لسا مو أكيد 100٪ راح استني رد من استاذ خالد السويد واديكي خبر، لانو وحده اتعرفت عليها من الدمام سوت التدريب قبل سنتين عام 2010 قالت وحده من زميلاتها في التدريب من جده وبتدرس ماستر بس نسيت تقولي تخصصها قالت اتضطرت تستأجر شقه مع اهلها في الشرقيه لانو مكان التدريب حقها. انا فهمت كل تخصص لها قسم خاص ومكان تدريب خاص والسكن راح يكون على حسب مكان تدريبك. الله اعلم عن دي السنه.
ان شاء الله بعد مايجيني رد من استاذ خالد السويد عن مكان تدريبي والسكن، ازا مافي سكن ان شاء الله راح اكتب موضوع عن تجمع بنات المقبولات في تدريب في ارامكو مين حابه تشارك في السكن يسير كلنا نقسم في دفع ايجار السكن لمدة شهرين.
ان شاء الله يسير خير.
الله يوفق الجميع ويكتب لهم الخير