[جنون الطفولة]

أول حاجة السلام عليكم
ثاني حاجة أثني على هذا الرد اللي تحت ,
حسيت كل الكلام اللي جا فبالي قالته في الرد الآخت ساكوو (آختصرت عليا يسعدها ربي)

المشاركة الأصلية كتبت بواسطة ساكو الله يرزقك ويفرحك يارب بس شدني تصرف أختك جدا قوي .. ورح تحط ابوك بموقف بايخ قدام الرجال !! مادري اشوف تحلون مشكلة اختك ورسالتها اللي ارسلتها اهم من اي شئ ثاني .. عيب مهما كان عارفه وش رح يقوولون ؟ بيقولون مشفووحه وعاصيه لكلمة ابوها ومهما كان ترى الزوج مارح يغنيك لا عن ابوك ولا اهلك وهالشئ وصليه لأختك .. بكره يحتقرها لانها سوت من وراء ابوها كذا لآتطير بالرجال وهي ماتدري .. شئ غريب بصراحه

ثالث حاجة بشائر يحي الزهراني , يسعدك ربي ضحكتيني وربي مدري ليش

---

أما تعليقي أنا ,
أول حاجة كل شي قسمة ونصيب ... الخ من الكلام اللي زميلاتي قالولك هو ,
ثاني حاجة تفكريني بنفسي وبصحباتي (اللي ماقدروا للآن يتجاوزوا التفكير هذا) وما أقدر ألومكم لأنه السبب أهاليكم ,

صحباتي أهلهم يكلموهم يوميا ع الزواج (وشوفي فلانه تزوجت , شوفي فلانة .. وانتِ عنستي )
أنا ماصدقت صحباتي بالبداية على بالي كل أهل زي أهلي اللهم لك الحمد , الين صاروا يتشكولي والدموع فعيونهم ,


الأهالي لازم يستوعبوا >>
الزواج مو كل شي , في حاجات في الحياة أحلى ,
الزواج ممكن يكون نقمة , وكمان كل شي في وقته حلو ,


جوني عرسان وأهلي سألوا عنهم قبل أختي الكبيرة ما تتزوج , بس ماصار نصيب ,
اختي تزوجت لمن كانت بعمرك الآن وأهلي ماقد حسسوها بحاجة ولا شششي,
والحمدلله مبسوطة (وتقولي يابنت لا تتزوجي بدري , عيشي حياتك اول وبعدين تزوجي , كل شي ملحوق عليه)


طيَّب أنا ملكت بعد زواج أختي , وربك ما جلست الا شهر وفسخت ملكتي ,
وصار مكتوب (مطلقة) ,,
هل لازم الوحدة تعيش تجربتي وتكتئب نفسيا وتنصدم وتتعب
وأهلها يعيشوا معاناة عشان يتغير تفكيرهم ومايكون محصور
ومحدود في الزواج ؟؟؟؟؟؟؟

---

أول شي انتِ لازم لاااززم تشتغلي على نفسيتك , وتصدقي انه في حاجات ثانية أحلى وأحسن في الحياة , وتبدأي تعمليها ,

وبعدين أخواتك (مع نفسهم) , ما أقصد بالكلمة تهزيء , بس عشان لازم برضو تعرفي انه حتى وأبوك مقتنع ان الصغيرة ماتتزوج قبل الكبيرة وانه دا القانون اللي مطبقه في رفض وقبول العرسان , (وربك يجي يوم لو جا نصيبهم قبلك بياخذوه وابوك مدري كيف بيوافق) بس عشانه نصيبهم لان الموضوع كله موضوع نصيب

---

أدري طوَّلت بس الموضوع شدَّني ,
واتوقع كل وحدة في الموضوع علقت حسب ظروف او شي عاشته

الله يفرج همك ويرزقك الزوج الصالح , يوسفي الطلَّة محمدي الأخلاق