[υикиσωи]

المشاركة الأصلية كتبت بواسطة يلدرم يعنى تتوقع الامور في الجامعة اعتباطية؟

المشاركة الأصلية كتبت بواسطة يلدرم واحد كان طفشان وقال يالله نحط لهم الدرجة الموزونة وندرسهم سنة تحضيرية

أخويا يلدرم .. اسمحلي انا اعتبروو اتباطي منجد

اغلب الاشياء اللي في الجامعة تحسها قرارات عشوائية وفردية ..

انا اقولك اشياء بسيطة ..
لو كان دارسين دا النظام مزبووط .. كان لما أدوناا الجداول حقتنا ايام التسجيل ... ليش غيروها بعدين ..!؟
ومليون استازة اتغيرت عندنا
وبما انهم حطو نظام جديد وع قولك مهو اعتباطي .. فالمفروض يكونو محددين الكتب من زمان
مو يقولولنا في بداية السن كتاب الـeap الأزرق
بعدين رجعو قالولنا لا يجي مع المجموعة ااحمر ..بعدين رجعو قالولنا لا جيبو الأزرق

وفي بداية السنة ادونا تزريع الدرجات ع أساس يكونو دريين وكمان في كويزات ودرجات ع الواجبات .. بعدين رجعو يقولو لا
وع أخر السنة جوونا يقولو الا في
لحد ما رحنا للعميدة واتفاهمنا معاها
ودا كلام مو من راسي
انا رحت للعميدة بنفسي ولما قلتلها قالتلي خليني اتأكد .. وكمان والله مو داريين عن نفسهم .. اختبرو الاولاد 3 اختبارات واحنا 2 .. قامت العميدة دقت ع مركز اللغة واتاكدت ..بسس لو شفتهم وهما يتكلمو ويتناقشوو ..تقول مهم في جامعة وحدة .. وكل ناس في جهة

ولسع تقول مهو اعتباطي

والحاسب دا حكاية تانية ... ليومك دا وانا مني عارفة هوا احنا نا ندرسو بالعربي ولا بالانجلش ...!!...!..!!!....:S

معليش دي وجهة نظري ... وأظن كل واحد ليلو حرية ابداء رأيوو


نسيت حاجة .. احنا ليومك دا محنا عارفين احنا ازا نبا شي فين نروح .. واحنا تابعين لاي كلية ...!! ...