[ميهن]

السلام عليكم .. اعتذر عن التأخير ..
هي في البداية كانت لها ملاحظات ما خبرتني فيها في المرة الأولى لما راجعتها والملاحظة كانت بالنسبة لدمج الاهداء مع الشكر وعدم كتابتي لآية قرآنية .. بعدين انتقدت مشكلة التقرير كله مع العلم انها وافقت عليه وعلى صياغة المشكلة 3 مرات مرة في محاضرة ومرة في رسالة جوال ومرة لما راجعتها في التقرير !!!!!
طبعا قالت وبعد انتقادات غريبة : ناقشي موضوعك ولما بدأت جلست تطرح تعجبات غريبة عن معالجتي للمشكلة وانه انت كاتبة من راسك مو من معايشتك لمشكلة واجهتيها في مكان التدريب !!!! المهم خلتني اكمل مناقشتي الغريبة وانتهيت..
بصراحة كانو في بنات كثير ينتقدو طريقة تعاملها معاهم وفي طالبات خرجو يبكو .. للأسف هذا مو أسلوب نتعامل فيه في مكان كهذا المفروض يكون صرح للتعليم والبناء مو للتحطيم وهدم المعنويات ..
في النهاية ادعو لكم بالتوفيق والسداد واكيد ربنا ماراح يضيع تعبنا ..
أنصحكم بالالتزام بمتن التقرير ويكون التقرير عبارة عن فصول لاتنسو ترفقو المراجع واي حاجة اخدتيها من اي مكان اكتبي مصدرها حتى لو كان موقع على النت غير كدا انتبهو لمقاس الخط والفرق بين حجم خط العناوين والمحتوى .... والله هذا اللي اتذكره الآن اعذروني