رد: يا شباب الي حضر الدورة التأهيلية لبحوث العمليات يفيدنا تكفون
بسم الله الرحمن الرحيم
مساكم الله بالخير جميعا
اولا احب اعطيكم فكرة عامة وابشكركم ان شاء الله بالخير
الفكرة العامة المادة اخذتها الترم اللي فات مع الادريسي واشك ان الادريسي هو اللي حط الاسئلة لانه خرج عن طريقتة كليا في الاعوام السابقة ويبدو ان الحركان او اللجنة هم اللي حطوها ولكن ولايهمكم المهم حاولت ادرس المادة ولكن كلكم عارفين الرموز والغموض في الشرح وقررت احضر مع الغزالي لما جاء بالرياض وحضرت المهم وركزوا في الاختبار جاءت اشياء اول مرة تجي وهي في الرسم البياني جاءت ارقام بالسالب وهي غير موضحة لا من مذكرة الطيار الله يجزاة خير ولاحتى شرحها الغزالي الله يهدية لنا وكذلك جاءت في اول المنهج موضوع يتكلم عن جداول تجي بالارباح دائما وجت بالاختبار تكاليف او العكس انتبهوا لها ولم يشرحها الغزالي والطيار لم ياتي بامثلة عليها بمذكرتة جاب تمرين غير محلول وكثير من الاخوان اللي معي وقعوا في هاتين المعظلتين ولكن ولايهمكم اهم شي حطو في بالكم هذي الاشياء مع البشارة وهي اني كنت عند احد الاخوان وهو معكم في المادة ومما وقعوا في مطب السؤالين اللي ذكرتهم وابشركم حال اختبار الترم اللي فات وبشكل جميل وبالرسم موضح وشاورني قلت حطة في المنتدى قبل الاختبار بيوم وكلكم عارفين ويمديكم بس ذاكروا ولاتعتمدون بعد الله على شي الا فهمكم واخر شي راجعوا قبلها بيوم بتعدون باذن الله وبالراحة وترا المادة بسيطة والله ولكن الشحن من الناس هو اللي خلى بعض الشباب يضايق منها ويخليها عقد اخيرا بغيت اقولكم شي ترا الاختبار السابق ماجانا السمبلكس بعد ماحفظوه الشباب زي اسمهم وهذا دليل على انكم تكونون جاهزين لاي سوال سالب موجب سمبلكس نقل وغيرة . اخيرا اسف على الاطالة ولكن والله من باب حب لاخيك المسلم ويمكن اكون افدت ولو واحد بمعلومة بسيطة ولي عتب على اللي يحضروا الدورة التاهلية من الشباب اغلبهم الله يهديهم هذا الترم مو زي الاترام السابقة وهذا عتب محب . تحياتي وبالتوفيق للجميع .
|