[n3omh]

شوفي حبيبى ,

أنا بشرح لك الموضوع على حآلات :


الحآله ألاولى :

ممكن يكون تأخير الزواج خير لكِ , لانو ممكن ربي يجيب لكِ إنسأن انتي ماكنتتي تتخيليه..
(وإن بعد العسر ىسرى) ..

( وبشر الصابرين)..



قال رسول الله صلى الله عليه وسلم: (عجبا لأمر المؤمن إن أمره كله خير وليس ذاك لأحد إلا للمؤمن ، إن أصابته سراء شكر فكان خيرا له وإن أصابته ضراء صبر فكان خيرا له)



ادن نسنتج من دي الحاله انو خير لكِ ..,





الحاله التانية:

ممكن ربي أخر عنك الزواج عشآن حآب يسمع صوتك وانتي تدعيه
وتتقربي منو .., في نآس بيتزوجوا بدون مايدعوا وبدون مايعملو شي خير بحياتهم عارفه ليش لانو امكن ربي مايحب يسمع صوتهم يعطيهم يعطيهم ويخليهم في غفله ويتلهو بالدنيا بكرا بالاخره ييحاسبهم ,..

في ناس ربي يحب يسمع صوتهم وفي ناس لا ,

كآن ممكن تكوني انتي عملتي حاجه وحشه في حياتك وربي حابب يعاقبك عليها بالدنيا عشان يرحمك بالاخره



وقال رسول الله صلى الله عليه وسلم( ما يصيب المؤمن من نصب ولا وصب ولا هم ولا حزن ولا أذى ولا غم حتى الشوكة يشاكها الا كفر الله بها من خطاياه )



شوفى الحديت مايصيب المومن من نصب ولا هم ولا حزن ولا ادى .. ادن ربى ممكن عمل كدآ عشأن يغفر لكِ دنوبك

ومأأعضمة الله , أحسن شي الاخره مانبغى جنات الدنيا , نبغي جنه الاخره الباقيه الخالدة ..

في هدى الحاله كمان لازم تستغفري عن كل دنوبك قولى ( ربي اني استغفرك من كل دنب ماعلمته ومالم اعلمه )
في اشياء نحنا بنرتكبها ومابنعرف انو هيا غلط ممكن تكون حاجه صغيرونة , ممكن قلتى لانسانه كلمة صغرونة وحشه وهي حزت بنفسها وشالت عليكِ ..,



قالى تعالى (والذين اذا فعلوا فاحشه أو ظلموا انفسهم ذكرواالله فاستغفروا لذنوبهم ومن يغفر الذنوب الا الله ولم يصروا على ما فعلوا وهم يعلمون )


وقال تعالى (قل ياعبادي الذين اسرفوا على انفسهم لا تقنطوا من رحمه الله ان الله يغفر الذنوب جميعا انه هو الغفور )



ادن , علينآ أنو نستغفر , نتوب عن كل المعآصي سمآع الاغاني , الغيبه ,

الغيبه شي عضيم كل الحاسنات والخير اللي عملتيه من سنين يروح كدا في طقه إصبع
حاولي تبعدي عنو ,


و بر الوالدين ..

:( سَأَلْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ أَيُّ الْعَمَلِ أَحَبُّ إِلَى اللَّهِ تَعَالَى ؟ قَالَ : " الصَّلَاةُ عَلَى وَقْتِهَا وَبِرُّ الْوَالِدَيْنِ وَالْجِهَادُ فِي سَبِيلِ اللَّهِ عَزَّ وَجَلَّ " )


حاولى تعملى الاشياء الي يحبها ربك , عشان يحبك ويعطيكي وربنا ادا رضى وأعطى أدهشنآ ..


والدعاء شى عضيم والله ,

(وقال ربكم ادعوني استجب لكم )

شوفي ربنا يعدنآ أنو رأح يستجب لنا , والله ادا وعد لا يخلف

( امن يجيب المضطر إذا دعاه ويكشف السوء )

كل ايأت الدعأء تبشر بالخير والفرج ..


وادكرى دايما (ان الله يرزق من يشاء بغر حساب )

(ان الله على كل شئ قدير )

لا تقولي صعبه مستحيل انا كبرت مراح اتزوج , هو بس حرفين كن فيكون مو صعبه علي ربى
حرفىن ادا نطقها ربي صار الشي وغصبن عن الكل , بس اش ربنا يبغانا نرجع له ونتوب ..



ادن اش نسنتج : انو لازم الصلاهة في وقتها , مافي غيبه مافي نميمه , دعاء , وصدقه , صلاه الليل



الحين بحكيكِ قصص أنا مريت فيها ماسمعتها هدي القصص انا عشتها :


أول بنت ماشالله هدى انخطبت وهى 2 بالتانوى وفسخت الخطوبه يعنى اطلقت بعدها كل مااحد يخطبها مايتم
البنت معلينونة صارت 2 جامعه حالتها النفسيه ادهورت وتسمع كلام من امها يسد البدن
اش سوت البنت مشيت مع ربها صح صارت تصلي اليل وتقرا البقره كل يوم واستغفار ودعاء
والله على مااقول شهيييد البنت شهر بس من يوم ماكانت مع ربها صح خلص الشهر جوها خطابين مو وحدا اتنين وهي الحين متزوجة وعندها ولدين >> اختي ترآ *_^



البنت التانيه ماشالله اخت زوجة خالي البنت دى انخطبت مرا واطلقت انخطبت تاني واطلقت
بس هدى البنت انا عمرى ماشفت انسانه زيها زيها عندها ايمان بربها وتقه كانت دايما تقوم الليل ودايما الدعاء في سجودها كانت تطووووول بالصلاه وخاصه بالسجود وقبل شهرين كان زوجها وواحد وقسم بالله لو احكيلك كيف محطيها فوق عيونو ماتصدقى *_^


البنتين التانين اخوات اعمارهم فوق التلاتين الناس كانو يضحكوا عليهم ويقولولهم عنستوا انتو خلاص
وكانوا لما يروحوا زواجات كل الناس يبعدوا عنهم .., تلاته شهور بس انخبطت الاولى والتانيه بعدها باربعه شهور اعتقد او امكن تلاته
انخبطوا لمين لناس منااصب وزاء الحين الناس اللي يضحكوا عليهم صاروا وراهم زي الخدم عشان الواسطات
ليش صار كدا ابنت دولا قبل ماينخطبوا استمروا ع البقره والقيام والدعاء

الدعاء ترا يغير الاقدار
والبقره الرسول صلى الله عليه وسلم قال انها البطله


البنت الرابعه ماشالله هدى عمتى صار عمرها بالخمسين وقتها جاها نصيبها
ليش تاخر نصيبها لانها كانت تضلم الناس كتير معنها مطوعه بس اش اعراض الناس كبيره عند الله
لما تابت عن الضلم وصارت مع ربى صح ربى اعطاها اللى تبغاه ولميييين اتزوجت واحد وقسم بالله الله على مااقول شهيد واحد اعزب وعمور بالعشرين اقسم لك بالله اني مااكدب , ربي ادا اعطى ادهل *_^




وكمان حاجه حابه اقولها ادرى طولت *_^


لما يجو ناس البسي واتزبطي واستشورى واعملى ماك اب وحسسي نفسك انك الاحلا والاجمل حتي لو كل الناس تقول انك مو حلوة
قولى الا انا حلوة , طالعى نفسك بالمراىه وقولى انا حلوة راح تتبت بمخك ويستوعبها عقلك وراح تصدقيها..

ونضرتك لنفسك تحدد نضره الناس لكِ ..,

بس كمان شى :

بس عادى ترآ لو البنت حابه تتزوج وتستقر وتفتح بيت وتكون اسره مو حرام
هدا حقها فى الحياه عادى مافيها شى ..,

وانا اعرف بنات كتير وعاملين قروب كدا شله بنات انا وكم بنت من السعوديه واكترنا من بنات الكويت
وعاملين قروب وقاعدين نعمل دي الحاجات اكلها اللي اقلك عليها عشان نبغى رجل صالح
مو اشباه الرجال , مو مشكله يتاخر النصيب بس ادعى بالرجل الصآلح اللي يخليك ماتندمى انك اتزوجتيه,
ادا حابه اضيفك معانا بالقروب حيآكِ *_^



والله ادرى قرقرت وامكن كلام اقولو مالو معنآ و بس انا والله احاول اساعدك
معرف كيف بس انا احاول وان شالله اكون افدتك .,

وادا تبي اي شي وحابه تستفسرى عن اي شي عندك خآص يرحب بكِ *_^