 معاكي حق انو معظم الاهالي عندهم الوضع صعب مع الاختلاط، عندهم مفهوم الاختلاط بنت والولد لصقه في بعض واستغفرالله لاقدر الشيطان ممكن يوسوس في الانسان، الحملله معظم الشركات حاطين كاميرات مراقبه ومحتفظين بالاسلام ويكون الوضع اختلاط بسيط التركيز في العمل وكيف نخلي الشركه تتطور والمجتمع يتطور من اراء الجهتين من نساء ورجال وازا لاقدر حصل اعتداء او غيرها في الوظيفه يسير عندهم فصل من الوظيفه بدون انذار.
بالصراحه احس الموضوع يبالها وقت انو احنا نقنع اهالينا، يبالها تخطيط كيف نشرح لاهالينا طبيعة العمل او التدريب وايش الفايده منها، بعدها نديهم الايميل او رقم الشخص اللي يقدروا يتواصلوا معاه من الشركه عشان ربنا يطمن قلبهم. احتمال الموضوع يقعد اسبوع الين سنه عشان نقنعهم. بس النهايه لما الاهالي يحسوا عندهم الثقه في اولادهم وانو اولادهم خايفين من ربنا وشايفين انو احنا من جد نجتهد في مستقبلنا صدقيني الاهالي راح يوافقوا ويفتخروا فينا وبقرارنا.
لانو انا بعمل كده مع اهلي انو لما اخطط اعمل عمل تطوعي او تدريب او توظيف، قبلها استخير واقرأ سورة الشرح 3 مرات بعدها اديهم خبر انو انا مخططه اعمل كده ايش رأيكم فيها، بعدها اقدم وازا جاني قبول على الايميل على طول اعمل forward على ايميل بابا وقتها يقدر يتواصل مع الشخص مع الهاتف او الايميل. الحمدلله بعد شهرين او 3 اشهر بابا يوافق.
الحمدلله على نعمة الاسلام والله لايحرمنا من اهالينا.
|
حبيت اعقب على ردك ان اغلب الناس عارفين ان العمل المختلط فيه قوانين صارمة
واكيد اصلا اي منشأة بتجيب موظفات وموظفين بتحط قوانين صارمة لأن لولا القوانين ما تقدر تتحكم فيهم وما تصير الدعوى عمل وكل واحد يسوي شغلة بتصير مسخرة
المهم اللي شايفه انا ان اغلب الناس اللي ما يبغوا الاختلاط لبناتهم ماهو المقصود الاختلاط داخل المكان لأن عارفين ان داخل المكان كل واحد باحترامه لكن بيصير فيه احتكاك وكلام وميلان
حتى اللي نسمعه عن البيئات المختلطة المشاكل كلها تصير برى المكان مو داخل المكان يعني بعد ما يتعرفون على بعض يتواعدون في اي مكان فهنا الامر اللي خايفين منه الاهالي
انا ماني شايف مشكلة بالاختلاط نفسة انا شايف المشكلة بتربية الناس
الله يعين كل موظفة تقابل الرجال لأن بيجيها كلام مو طبيعي يا اما سب يا اما غزل
فيه عينات من البشر اذا جلس مع بنت لازم يتلوى ولسانه يوجعه لازم يقول كلمة وقد قالي واحد كان مقدم على التدريب ان في شخص كان يتغزل بالمنسقة اللي كانت تنسقلة التدريب لأن التدريب اغلب اللي ينسقونه بنات في ارامكو فالله يعين المنسقات على هذي العينات من البشر