هالللي يصير ما جاء من الفراغ فجأةً .. وسقط على ذوي الاحتياجات الخاصة
هاللي يصير ماهو إلاّ تتابع وحلقة كاملة من التخلّف والتأخّر والفشل الذريع على أصعدة كثير
خصوصاً فيما يخص مجال الخدمة الإجتماعية ثم خدمة الجمهور والشرائح الكبيرة من المجتمع
بالتالي كان لابدّ وحتمي إن ذوي الاحتياجات الخاصّة ياخذون نصيبهم من الشقا وهالفشل !
بخصوص برنامج داوود الشريان
مع إحترامي هذا مقلّط سواليف ماهو منبر إعلامي خدوم لنا
هذا لبث الكلام المعروف لتفريغ شحنة الغضب الشعبي
وحصول MBC على عوائد الإعلانات الماليّة الضخمة من ورا هالبرنامج لا أكثر ..
ولا مرّه طرحوا قضيّة وأصبح هالبرنامج له قيمة من ورا قرارات صدرت بعد البث !!
وسبحان الله ما توقعت يقولون كلام هو نفس الكلام اللي في راسي
لذلك بعد أوّل 7 دقائق قفلت البرنامج .. وريّحت راسي من ديباجة الطفل الآن لدينا يعرفها ويعيها
خصوصاً بعد دفاع السيّد كدسة ومن ثلاثين سنة نشتغل .. هذا صاحي يا جماعة وإلا صاحي ؟
نظام أدافع عن نفسي وجهتي حتّى لو أخالف الواقع الواضح كوضوح الشمس .. طفولية علنية !
وأصلاً من عقب عرفت الجهة اللي يمثّلها غسلت إيدي
لأن معروف القطاع الحكومي للمهندس .. هو نهاية قوّته الفكرية والعملية والعلمية !
ولا القطاع الخاص بأفضل حال بدرجة كبيرة .. لكن أهون بكثير من دمار الحكومي للمهندس
كمثال انا زميلي خرّيج هندسة مدنية .. مب فارق معه الراتب ورفض عروض شركة لسابك
واختار وزارة الشؤون القروية والبلدية السيئة ذي .. ليش ؟
لأنّه يداوم فيها من 8-1 الظهر فقط على المكتب فطور و روتين وواسطات ورشاوي
يعني بالعربي ما تتعب عقلك مخلّيه في بيتك جاي تطقطق على هالمكتب وتضرب الباب فقط ..
وغير كذا أحياناً ما يجي يوم الاثنين أو الثلوث إلا هو ساحب استعداداً لإجازة الخميس والجمعة !!
ما علينا من هذا كلّه رغم إنّه مهم لمعرفة حال الواقع المرير
الأهم والأهم من هذا كلّه
إن فاقد الشي لا يعطيه .. والله لا يعطيه ...
هؤلاء المسؤوليين صاحيين يقارنون ويطمحون لوضع مثل اللي بألمانيا أو امريكا بهالناحية ؟
استحوا على وجيهكم .. والله لو أنا منهم أحط وجهي في التراب ولا اطلع استهبل في برنامج زي ذا !
أنتم أصلاً قدرتم تسوون طرق وتخطيط واستراتيجيات رسم للمدن للأصحّاء قبل ذوي الاحتياجات ؟
الشوارع وتخطيط المدن - عدا تخطيط ينبع والظهران الأمريكي -
هي في الأساس مع الإحترام زبالة وحالتها يرثى لها
اشي حفريّات اشي تخطيط غلط اشي تجاوز على الخط الأصفر عند الإشارات
اشي فوضى مرورية وغياب الثقافة والرقابة الصارمة المُفيدة مب لجباية الأموال فقط كساهر !
اشي شعب كامل من الأصحّاء إلى الآن ما يعرف شي اسمه تأمين طبي سنوي ومب موجود !!
اشي أوساخ وقاذورات هل يُعقل أن جميع المنطقى الوسطى والجنوبية في جدّة مثل حي الجامعة
ما تمشي مترين إلاّ وتلقى أوساخ وقاذروات وأحياناً فئران ميّتة !!
وطبعاً المناطق الشمالية ليست بأفضل حال مويّة الصرف شغّالة تمطرنا بشوارعنا وغيرووو
يعني أنتم ما سوّيتم أقلّ الأبجديات والأساسيّات في خدمة المجتمع بالطرقات والصحّة للأفراد جميعهم
جاي هالحين يا داوود الشريان إنت واللي معك تسوون نفسكم
أنّه خلاص ماشاءالله مدنكم راقيّة وخدماتها تنافس خدمات المدن للناس في ألمانيا وأمريكا
ولا يوجد لديكم فقط إلاّ قلييييل من المشاكل تخصّ ذوي الاحتياجات الخاصّة وبتحلّوها ؟
الوضع كلّه خربان كفاكم متاجرة بوقت المشاهدين واستعطافهم
ولا يُلامون هالمساكين الطيّبين اللي في الروبرتاج ويطمحون للموجود بهالدول الكبيرة
لأنّهم مب مسموح لهم يقولون الا هالكلمتين كبارقة أمل لهم
لو واحد منهم قال لهم انقلعوا أصلاً كل شي حايس من أوّلها وفاقد الشي لا يعطيه
كان لا طلعوه في الروبرتاج ولا شي !
قال ايش يقارنون ههههههه !! هزلت ورب الكعبة !
الدوّل هاذي مثل ألمانيا تجاوزت هالمشاكل الصغيرة من عقود طويلة
وش أقول بس .. وصلوا لدرجة يسوون لك ملاعب خيالية وسط المدينة تستضيف كاس عالم وغيره
يعني الجماعة حتّى زحمة الأصحّاء من الساكنين ومئات الآلاف من الخارج للسياحة والفرجة
مب شايلين همّها بسبب وجودة العمل الإحترافي والتخطيط الصحيح مب الحرامي .. !
ما بعد شفنا نهائي كاس الملك بحضور أكبر قيادة وملعب أبو كلب في أقصى المدينة
إلاّ وشفنا بعده بيوم واحد نهائي الشامبيون ليق في ألمانيا
ملعب وسط المدينة والبنيّة حقته تصل لتحت مستوى الأرض من مواقف ومحلاّت وغيره !! ...
يصوّورونه بطيّارات مب كاميرا سبايدر هههه ولا يهايطون بها 
..
و تحفة خيالية فريد في التصميم والعمران وتقديم الخدمات للحاضرين
وحتّى المتجوّلين بالمدينة لا يعانون من زحمة حضور 160 ألف متفرّج وسط المدينة ولا شي !
روح حل إنت بس مشاكل زحمة أسواق رمضان والعيد بالشوارع وهالشوارع اللي رايحة وطي ..
ثم كل واحد يفتح فمّه علينا .. يحسسّونك أنّه خلاص ما باقي إلا يقدّمون خدمات بسيطة لفئات أخرى !
وقال ايش التكاسي ..
استحوا .. أساساً التكاسي في أمريكا وألمانيا
تجيك بمجرد إتصال من تلفون بيتك على إحدى شركات التكاسي
دقايق بسيطة إلا والتاكسي مرتزّ تحت بيتكم بسوّاق مهني للغاية وسعر ثابت معروف محلياً وغيروو !
وقال ايش ضيقة ذوي الإحتياجات من شوارعنا وطرقنا وتعرّضهم للتحرّشات أو العنف بالأصح
هناك كل شي مُخطّط وهالفئة لها مسار بالطريق وأماكن حتّى في الملاعب وأماكن الترفيهه !!
حتى الشخص الصحيح ما يقدر يتجاوز خط الإشارة الأصفر ماهيب سايبة وترعى .. !
وابن أمّك ورجّال تعال دف كرسي هالمعاق بقوّة وأذيّه وعنّفه
غير تاكل ذيك القضيّة اللي تمصّك آلاف اليوروات أو الدولارات وممكن سجن كمان .. !
أصلاً حتّى قبل فترة
شغالة اندونيسية - صحيحة - تشتغل عند واحد بالسفارة السعودية في ألمانيا
أخينا بالله قام يعنّفها ويكرفها فوق المتفّق عليه ويمص راتبها يحسب الوضع سايب زي هالبلد حقّه
راحت اشتكت للشرطة الألمانية .. قامت الحكومة سحبت ذا الدبلوماسي الخبل من رقبته
وقالوا للسفير شبكشي وين سلامات صاحبكم ذا يحسب الوضع زي بلاده فوضى والضعيف ماله حق ؟
قام شبكشي يعتذر للحكومة الألمانية والشغالة بالجرايد والخبر انتشر بجريدة الحياة قبل فترة
وإن الدبلوماسي السعودي مسيكين ما يعرف إن نظام العمل هناك 8 ساعات فقط !
بما في ذلك أنظمة العمل من عدم رفض رغبات العامل جميعها
طالما يمديك تستغني عنه إذا رغباته ماهي عاجبتك ..
واضطّر السفير حقنا يقول بإعتذاره
رغم الحصانة الدبلوماسية لكن ولا يهمّكم راح ندفع الغرامة فوق 150 ألف يورو !!!
لانّه عارف رغم هالخسارة المالية الفادحة لكن فكّ رقبة خويّنا من أنظمة صارمة وما تمزح !!
أمّا هنا .. فلا يخفى عليكم
قضية ترويش المرضى النفسيين في شهار - جماعياً مع تعريتهم من الملابس - قبل سنوات
ولا كنّهم حيوانات .. ما عادها قوانين إلاّ حتى إنسانية وضمير وخوف من الآخرة مافيه .. !!
وانتشرت هالقضية في جريدة الوطن بصور كثيرة فيها تشويش على عورات المرضى !!!!
واعترفت الجهات المسؤولية بصحّة هالقضية وفاح الخبر بكل مكان
طبعاً هالقضية لو في دول مثل اللي يقارنونا فيهم ببرنامجهم السكران ذا
أوّل شي كانوا طاروا وزراء الجهات المسؤولة عن هالجريمة البشعة الكارثية
لدرجة ممكن يصل الأثر لرئيس الدولة !!
ويخسر رئاسته في أقرب حملة إنتخابية بسبب هالمشاكل الاجتماعية الفادحة !!!
ولذلك من أهم أسباب فوز أوباما وعوده للشعب بجعل خدمة التأمين الطبي بقمة الإمتياز ..
هنا وش اللي صار ؟
تم التكتيم على الموضوع والله ولا شفت واحد مسؤول مهم تحاكم أو تحاسب !!
وباقي يقارنون وإلا يضحكون علينا إنّ ما باقي إلا قليل من مشاكل الخدمات لدينا ببرنامجهم التعيس ؟
لذلك أكيد لو انا اتصلت عليهم
وبعد كل كلامي هذا اللي يادوب فيه أمثلة بسيطة عن الوضع وفيه غيره زود مليون مرّه
ما راح أقولهم إلا جملة وحدة :
روح مووووووووووووووووووووووووووت إنت ويّاه
المشكلة أعمق بكثير من طرحكم التافهه وعقولنا ليست ساذجة ... !