[سملّق :)]

مع أحترامي لكل الاراء على ساحة هذا الموضوع

الاراء عبارة عن نصائح دينية مثالية ..
الزم الاستغفار .. ابتعد عن الذنوب والشهوات
لا تدع الشيطان يفتح مجال عليك .. حاول أن تجعل أصدقائك يهتدون

لا يستطيع ، بل يستحيل ان يطبقها شخص كلها .. ( اقصد شخص مثل حالة مجبور او حالتي ! )



واضح ان الرجال يبي تجربة سابقة .. لشخص ما في هذا المجال


مجبور انا بقول لك تجربة سابقة صارت لي في هذا الميدان ،



قصتي بدت يوم كنت في ثاني ثانوي تقريباً ( سنة 2008 ) .. كنت أدرس في مدرسة ثانوية في جيزان اسمها معاذ بن جبل ..

وكان لي شهره وصيت في ذاك الوقت بالتفحيط و الدشرة والهبقات من المدرسة

حتى ان الاساتذة نفسهم كانوا يساعدوني اني اهرب من المدرسة .. لانهم كانوا يعرفون اني ( ماني حق دراسة ) !!

والله العضيم وصلت الى درجة ان استاذ عندنا كان يدرسنا حاسب .. كان يجي الفصل ويطلعني من الفصل ( انا والشلة طبعاً ) بحجة انه عنده أعمال في المعمل

ويكتب لنا اوراق خروج من المدرسة ( يهربنا من المدرسة ) عشان نجيب له فطور من بوفية مشهورة في طريقنا

أعتقد الى حد الان الاساتذة يذكروني ويعرفوني في هذيك المدرسة


حتى الوكيل والمدير والمرشد ( كانو بالعربي رافعين القلم عني ) .. اهرب .. ارجع .. ما أداوم

المدير يطلع من المدرسة يشوفني ( مع الجدار ) هاارب ،، وكل اللي يسويه انه يقول ( هي ولد تعااال )

ولا اضرب له ادنى اهتمام .. لاني عارف انه اصلاً ماعليه مني ولا بيقدر يمسكني
بسبب اني اعرف اغلب ( الاساتذة ) وسوقي معاهم ماشي وراح يتوسطون لي ..

وفعلاً اغلب الاساتذة كذا .. ينجحوني .. يتوسطون لي ... نطلع انا وياهم سوا خارج الدوام

يعني تشبيك على أصولــه :))

اضافة الى مدير قسم المرور بجيزان الرايد : عايش العتيبي ((( يا انه كان يموت فيني )))

كل يومين وانا عنده محضر :4


مرت فترة وفترة وانا في غفففففففلة . تعرف كيف غفللللللللة ..!!!

كانت تمر سنين والصلاة ما اركع فيها ، والصيام ( من جنب القده ) .. وتفحيط واغاني
وعيال الحارة ،، وتفحيط وروحات جيات .. وسمعة في كل مكان ( سمعة خراب ) ..

،،،،


ثالث ثانوي تغيرت حياتي فوق تحت .. يعني صار تغير قلب الدنيا فوق تحت صدق

مدري وش اللي جاني مره وسجلت في نادي توعية اسلامية ( عشان انجح عند استاذ الفيزياء ) اللي قال لي سجل ف التوعية وانجحك :)

سجلت وانقلبت فوق تحت ..

قصرت الثوب ، وصرت ماعاد اداوم بالسيارة .. وغيرت اصحابي
وبديت حياة جديدة .. حياة زهد وتقشف .. وتأثرت بسيرة حياة الصحابة .. وقررت اني اغير حياتي زيهم

الين وصل بي الحال الى موضوع ( التشدد ) وحصل لي مشاكل مع اهلي كثيييرة ( بسبب التغير المفاجئ )


بعدها بديت افكر في افكار غريبة .. كونت لي مجموعة أصدقاء

امتد بي الحال الى اني انتبهت لنفسي وانا في الرياض ،،


يمكن تضحكون لو اقول لكم اني ( اقنعتهم بالجهاد ) وكان في راسي مخطط اني اسوي حزب جهادي

زي تنظيم القاعدة .. عشان نشرع فريضة الجهاد !

كان عددهم 8 .. من ضمنهم الاشخاص اللي تابوا معي وعددهم 3 ، واشخاص التقيت بهم ف التوعية

انتبهت لنفسي بعد ما مسكنا الامن في الشقة المفروشة


< على اساس بنسافر الكويت ومن الكويت الى باكستان ومنها الى افغانستان

والشباب كانوا مصملين ( يقولون معاك ياشيخ وين ماتروح ) .. وكنت مقنعهم ومدخل الفكرة بروسهم مضبوط


طبعاً كل هذا بتدبير من الوالد الله يحفظه اللي بلغ علي ومسكوني وجا واستلمني ..
وحبسني لمدة 3 شهور في مخزن قديم ،، ( بكلبشات ) ههههههه


وخرجت من المخزن بعد ما تسلقت العمود اللي حط فيه الكلبشات .. وكسرت السياج العلوي

وهربت من فوق السطوح ورحت لبيت عمتي وسكنت عندهم أسبوع .. ورجعت بعدها لبيتنا


بعدها وعدت الوالد اني ماعاد ادشر ولا افكر ف الجهاد . وسامحني ( بعد وساطه من الجماعة طبعاً )

بعدها مرت علي فترة ..

كنت في بيتنا اللي في الطايف جلست سنة كاملة ( عشان ارجع اسجل في ثالث ثانوي من جديد )

لاني رحت ( أجاهد في نص سنة ثالث ثانوي ) وتم فصلي من المدرسة


بعدها انقلب بي الحال الى ( النشوق ،، والوسوسة ،، وعيال الطايف .. والردف .. والمشاكل والمضاربات ) والفزعاات


وصرت كل يومين وانا في شارع التلفزون ناشب في مشكلة مع العتبان مره ومع الحرث مره

ومع السفاينه مره .. ومع الحواري ..


طبعا المضاربات ( اسهل طريقة لتكوين صداقة ) كونت لي صداقات كثيرة كان معضمها صداقة خراب وفزعات ومشاكل


حتى صرت من ضمن ( مدركين الحارة ) عندنا .. وكنت فرحان ع بالي انه انجاززز !!!

كان محد يقدر يفتح فمه علي .. لاني ببساطة ( اعرف فلان واعرف علان ) وبيني وبينهم صداقات ومشاريييييييع

واخيراً تحقق الحلم الجديد .. اني صرت من العيال مهجدين الحارة


،،،،،


بدت سنة ثالث ثانوي . وصارت لي مشكلة كبيييييييرة مع عيال ( خلّد ) عند بقالة عودة

اضطريت فيها اني انضرب ليييييييييين يغمى علي .. شالوني ورموني في برحة

صحيت بعد صلاة المغرب العالم كلها تدور لي ..


قرر الوالد يرسلني جدة .. ادرس لانها بنظره احسن مكان يمكن اني فيه ما اتعرض للمشاكل


جيت جدة والحمممد لله تغيرت حالتي


وصرت احسن .. حتى لو اني الحين ماني مطوع ولاني تائب الى الله


لكن على الاقل مقيم صلواتي + بديت افكر في حياتي من يوم جيت جدة + بديت افكر في مستقبلي


اول مره افكر في شيء اسمه مستقبل !!

حتى اهلي استغربوا يوم قررت ادخل الجامعة


المهم تحسنت حالي والحمد لله على ما انا فيه


اخي مجبور ( رب ضارة نافعة ) وانا اقول لك ( رب نافعة ضارة )

شي تشوفه انت حلو ، وممكن هو يكون خطر عليك

والله العظيم مافي احلى من الرجوع الى الله والتوبة .. لكن بطريقة صحيحـة


حبيت اقول لك تجربتي .. واعتذر اذا طولت

بس يمكن تستفيد منها ..

أخوك : باسل المالكي :)