[Waah Fdatek]

المشاركة الأصلية كتبت بواسطة astronomer لو علي .. مادرست هنا اللي يدرس بالسعودية يضيع مستقبله

ايه والله من جد .. أنا أتفق معاك وبكل قوة ..
ضياااااع لو كملنا في السعودية .. لكن وش نسوي ؟؟ ..

الواحد برا تعليم من أحسن ما يكون ورقي وكل شي متوفر لا وبعد يقولون نبغى نتطور أكثر ..
وفوق ذا كله عقلياتهم ما توصل لعقليات الناس اللي عندنا ...
وأحنا حتى أبسط مقومات التعليم لم تتوفر بعد .. أجل كيف يبون الناس المبدعه تطلق إبداعاتها ..
والله (وهذا أنا حلفت) انه عندنا ناس عباقرة ...
إلا عباقرة قليلة فيهم .. جهابذة والله ..
قمة في الإبداع ومتميزين .. ومحد قدهم ولو دخلوا مكان نافسوا كل الموجودين فيه وغلبوهم ..
وأكبر دليل المبتعثين اللي نشوفهم برا ..
كل يوم والثاني يوصلني خبر مبتعث أو مبتعثة أكتشفوا .. اخترعوا .. حصلوا على مراكز أولى في مسابقات علمية ..
هذا غير التحصيل العلمي المرتفع .. والله انهم مبدعين .. لكن متى ظهر إبداعهم ..
لمّا لقوا بيئة جيدة .. وتعليم يرقى لمستوى تفكيرهم ..
مو مثل اللي عندنا .. إذا راح الواحد عندهم بأختراع .. قعدوا يحقرونه ويضحكون عليه ..
ويصيبونك بالإحباط والتحطييييم .. الواحد فيهم يكره نفسه ساعتها ..
طيب ياخي مو كل الناس عندها إمكانية تبتعث برا .. أجل ادعموني هنا ..
لكن ناس ما تخاف ربها .. الله يعملهم بما يستحقون ..
تدرون قبل فترة طلع مخترع سعودي ونشر في الأخبار أنه بينتحر ..
وفعلا جات قناة mbc وعملت معاه لقاء .. تخيلوا وش قال ؟؟
مختصر كلامه باسلوبي (أنا مخترع .. وما ألاقي الدعم الكافي من بلادي اللي هي أولى بي .. ليش ؟؟ .. قعد يبكي ويقول بنتي قبل أسبوع طلبت مني آله حاسبه وما أقدر أوفرها لها .. من وين أجيب حقها )
أنا ساعتها بكيييييت .. في نهاية اللقاء أهدته القناة آلة حاسبه لبنته ..
هيا بالله هذا حال .. وفوق ذا كله يشتكون المسؤولين : الشباب ما ينتج ما يبدع ما يشتغل ..
طيب يا فالح أدعمهم وشوف وش يجيك .. والله يا هالبلد بينفقع من الخير لو طلعتم إبداعاتهم ..
لكن ما اقول غير حسبي الله ونعم الوكيل ..

أنتوا ملا حظين أنه جملة من خمس كلمات وملونة بالأحمر طلعت هالهرج كله ..
مالت علي .. ثرثارة ... ههههههههههههه >>> بس أجنن ..

عذرا ع الإطالة .. ولكن حديث في النفس أبى إلا أن يظهر ...