[new member010]

السلام عليكم ورحمة الله وبركاته
حبيبي انا الترم اللي فات اخذتها عند اسحاق غلام لاني ماحصلت شعبة فاضية غير عنده ودرسني اسبوعين والله العظيم انو في الاسبوعين كل الطلاب اللي في الشعبة جلسوا يدعو انو يتغير وقام كثير من الطلاب بتغيير الشعبة (مع العلم انو الترم اللي فات مددو الحذف اسبوعين عشان النظام كان متعطل) لكن الحمد لله انهم جو وغيروا الدكتور وجابوا لنا توفيق .
توفيق هذا كان زي الدوا لنا رجال كبير وطيب ويشرح مرة كويس ولا تشيل هم اذا كانت لغتك الانجليزية تعبانة لانو يقول الشي ويعيدوا ثلاث مرات ويترجموا واذا ما عرفت شي تسالو ويجاوب وهو يضحك ويشرح بشكل مبسط ومفهوم يخليك تحب الكيمياء وبالنسبة للتحضير لما يدخل القاعة يعطي الطلاب السجل ويخليهم يحضروا انفسهم لانو ما يدقق عالتحضير.
اما بالنسبة للدرجات ما في شي اسمه دف درجات لانو توزيع الدرجات في الكيمياء صار 30 دوري اول و30 دوري ثاني و 40 نهائي يعني مية ما في اي درجة بيد الدكتور.
واذا تبغى نصيحتي نزلها عنده
واتمنى ان اكون افدتك
والسلام عليكم ورحمة الله وبركاته