[إحساس ناجح]

المشاركة الأصلية كتبت بواسطة كان حلم الله يوفقك

المشاركة الأصلية كتبت بواسطة كان حلم ايوا الكرتون موجود .. وعندي حساب في الفيس بوك ومومحملة برنامج البانجو ..

طيب شوفي على الكرتون في رقم تسلسلي أوك
روحي عند الوكيل معرف مين وكيل بجدة ممكن أحمد عبدالواحد آبل وقوليلهم الهرجة
وخليهم يقفلو الجهاز
لأنو مرة أختي انسرق منها الجوال وقفلتو عن طريق الوكيل
يعني اللي سرقو لو يطلع للسماء ويرجع ما يستفيد حاجة


وكمان روحي لشركة stc & mobily على حسب الشريحة اللي إنتي تستخدمينها بجهازك المسروق واعملي هناك تعبئة استمارة عشان يقفلو كل شيء عن اللي سرقوا


وكمان برضو في حاجة جوالك كان فيه برنامج زي المشاركة على الخرائط
يعني يفتح لك خريطة فيها ناس بمواقع مختلفة



ارجعي تاني لنفس المكان اللي انسرق منو وشوفي الموظفات والمكاتب اللي هناك ممكن حصلتو وحدة وحطتو عندهم

أنا ضاع الجلاكسي بكليتنا وجلست شهر أدور عنو وبعدين روحت للموظفين اللي مكاتبهم قريبة من مكان اللي ضاع منو الجهاز وحصلتو عندهم والحمد الله



أتمنى إنك تحصلي جهازك
وخبريني إزا صار شيء