[Super Linux]

المشاركة الأصلية كتبت بواسطة عآكس قآنونه على البركه وان شاء الله عقبال التوظيف الله يبارك بعمرك حبيبي وياك يارب , لكن سؤال: اول مادخلت حرم ارامكو سألك احد من الأمن .؟ ومافي مشكله لو مثلاً واحد من اخوياك راح معاك ولا بس صاحب البطاقه ؟ ههههههههههههه اول شي ياحلو لازم تعرف انه المكتب خارج حدود أرامكو بمعنى انه بوابة ارامكو الي فيها حراس الامن هذه ماتدخلها لكنها جنب محل اصدار البطايق المسافه بين البوابة حقت ارامكو ومبنى اصدار البطايق شبر لكن فيه قبلها جيب واقف لبسهم غريب الضاهر انه امن ارامكو مو حراس امن لا اقصد زي الشرطه عندنا :) بكل ذوق وادب واحترام قالي وش عندك موعد اصدار بطاقة ماشاء الله هو عارف قلت ايه قال شف الصراف حق الاهلي المبنى الي جنبه والله يوفقك عادي جيب معاك عيال الحاره كلهم ماعندك اي مشكله لانه زي ماقلت لك بوابة ارامكو الرئيسيه ماتدخلها هع بعدين لما دخلت مكتب التوظيف كيف كان إستقبال الموظف لك < stc اجل ؟! اقصد يعني وش قلت لهم .. قلت مثلاً انا متدرب صيفي ولا اعطيتهم الهويه ولا الأبلكيشن اللي بموقع ارامكو فيه بياناتك؟ ههههههههه لا يارجل لاتحسب ارامكو يعني مرا شي ثاني وربي المبنى يضحك بس نظيف وحلو وبسيط دخلت لقيت طلاب جالسين ينتظرو واحد قالي رح الشباك واعطيه رقم الطلب وروحت سجلت رقم الطلب واسمي يعني لاتتعب نفسك لاتجيب معاك ولا شي اللهم رقم الطلب اكيد موجوده الرسااله ف جوالك اذا مو موجوده اطبعها افضلك والرقم الي طلبوه مني request number بالعربي رقم طلب اصدار البطاقة‬ ولاتنسى اهم شي تجيب معاك الهوية بطاقة الاحوال انتبه لاتنساها وياليت تكون الجديده مو القديمه لانه في ناس كانو بيسحبو عليهم بس قالو جينا من رابغ وماندري انه لازم الهويه الجديده ومشوهم المهم لمن تكتب رقم طلب اصدار البطاقة‬ في الورقه الي يعطيك هيا يقولك هات الهويه وبعدين يقولك استريح يخرج الموظف الاول قدامك ويلا يبدء ينادي بالاسماء والله يعينك على التبصيم اصابيعك تروح سودا هههههه من الصبغه مدري وش اسمها ذا كنت بقوله ارامكو وهياط ليه ماتجيبو البصمه الي زي حقت الاحوال المدنيه بدون حبر حط اصباعك ف القزازه وبس بدل هالوساخه المهم يقولك ريح يدك ويبدء يسمك صباع صباع يحط ف الحبر الاسود صباعك ومن ثم ع الورقه هع الين يخلصك وتمسح بالمنديل الموجود عندهم وتستريح ولو حاب تغسل راح يقولك يمين في يمين ثاني باب دورة المياه بعدها في غرفة صغيرة حقت التصوير انت خلك مستريح يعني ارجع محلك الين ينادي عليك واحد ماتشوفه لانه وسط الغرفه تدخل عليه واحد دمه خفيف دبدوب بن حلال اول شي يقولك وقع ف الشاشه لاتتوهق زيي وتقول مامعاية قلم خخخخخخخخ لان القلم بجانب الشاشه لاصق فيها وخاص بالشاشه مو قلم حبر هع خذه ووقع وسط الشاشه وبعدين تطلع لك لوحة ارقام حطلك رقم سري وبعدين اضغط اكسبت وم ثم تبصم كمان بالسبابه فقط بدون حبر وهجوله السبابه اليمنى واليسرى بعدين اخر مرحله يقولك يلا اجلس ع الكرسي الثاني حق التصوير طالع ف الكاميرا ون تو ثري تشك هع وتبدء المكينه تطلع اصوات تحس انك في محل حداده ومن ثم تظهر لك البطاقة ويقولك بالسلامه وبس ترا مرا الوضع بسيط وانت خارج حدود ارامكو يعني لاتخاف كل شي سهل اما مجرد ماتدخل من البوابة يبدء العالم الثاني واتمنى تضيف اشياء اكثر من عندك ..بحكم انك أول شخص ماشاء الله يصدر بطاقةى تدريب صيفي بهذا الموضوع اللي يضم الكثير من المتقدمين .. :) والله ياحبيب اضفت لك القصه كامله بالتفصيل الممل وتستاهلون والله وازيد اقولك ترا عادي مرررررررررا اصلن كلهم ثلاث موظفين وهدوء لاتشيل هم الوضع جدا سهل بعد كوبري بريمان اول بوابة ادخل منها راح تلاقي بوابات مقفله حاطين صبه انت طنشها الين تلاقي المفتوحه وادخل منها وشكراً لسعادتكم

العفو حبيبي

واي خدمه تحت امركم

ربي يوفقكم