[Eva160]

المشاركة الأصلية كتبت بواسطة mr.samie ايه هذا الشي عندنا كل شركة تحط فرص تدريب وترسل للجامعة لمنسق التدريب الفرص وهو يقدمها للطلاب ويقول لكل طالب ايش رغبتك وترتب الشركات وهو بعدين يقولك اي شركة قبلتك انا ضد هذي الفكرة وشايف ان التدريب المفروض يكون شي مستقل والله لو التدريب كان شي مستقل ان ما تشوفوا حالكم انتوا يالبنات خصوصا كذا لان بيصير التدريب شي رسمي والزامي على الشركات بالاضافة انك بتلزمهم يكونوا مهيئين للتدريب ماهو تأدية واجب والسلام يجيبوا الطالب يتفرج عليهم ويتفرجوا عليه وكل واحد يروح في حال سبيله ويكون فيه راتب محترم وشغل احترافي وسكن وكل شي موفر وتشرف علي التدريب الجهة المستقلة وتقيم المتدرب والمدرب وكل شي والله اننا محتاجين هذا الشي خصوصا حنا يالمهندسين بالسعوديه لا كادر ولا تدريب زي الناس ويطلبون خبرات وشهادات وهم اصلا ما يدربونا يبغون طالب يجيهم بكرتونه مدرب وجاهز ومعاه المانول وكل شي يشغلوه على طول

كل سنه في جامعتي على بدابه الترم عندنا لقاء مع عميدة كليه الهندسه والمشرفين والدكاتره، الجامعات هنا في امريكا فيهم منافسه من ناحيه السمعه، هما يحبوا يعملوا احصائيات عن نسبه الطلاب والطالبات اللي انقبلوا في جامعه متخرجين من الثانويه بامتياز نسبتهم فوق 95٪،و يعملوا احصائيات عن نسبه الطلاب والطالبات اللي اتخرجوا من الجامعه كم معدلهم وعن الخبرات المهنيه وفين اتوظفوا وبعض الدكاتره ازا حاب تسجل في كلاساتهم لازم تعمل مقابله شخصيه لانو الدكاتره برضوا يحبوا يكون سمعتهم كويسه من نسبة الطلاب والطالبات اللي جابوا a- او b-

والله احس احنا عايشين في مجتمع مظلوم مو عارفين انو الدنيا صعبه
من ناحيه الدراسه
طالبين عمر محدد ومده تخرجك من الثانويه محدده ومده تخرجك من مراحل البكالوريوس وماستر محدده ومعدل طيب
ومن ناحيه الوظايف
خبره مهنيه مابين 3-5 سنوات، عمر محدد، معدل طيب، طالبين شهادات ماستر مع دكتوراه ......................الخ، فوق دا الاجانب اولى من السعوديين

الحمدلله على كل حال