رد: استفسارات لكم يا طلاب الحاسبات
السلام عليكم
بالنسبة السؤال الاول
انت في حالة قبولك في كلية الحاسبات راح تدرس ترم اول بدون تخصص ( يعني زي التحضيري )
وفي منتصف الترم الاول سيتم فتح تحديد رغبات التخصص ل(cs -it - is )
وبناء على معدلك سيتم قبولك في القسم
السؤال الثاني
انت في حاله قبولك في الكلية ايش طموحك انك تكون ؟
جوابك هنا يحددلك القسم اللي تبغاه بدون ما تسأل الطلاب عن سبب تخصصهم
لأنو لكل طالب سبب في اختيار القسم وراح تدوخ
السؤال الثالث
ترا بالنسبة للأقسام الثلاثة تعتمد على البرمجة اما بالنسبة لعلوم الحاسبات حيكون الرياضيات والإحصاء معاه
وانت اذا كانت ميولك علوم حاسب ومالك نفس في الرياضيات أبدا
فلا تسوي زي معظم الطلاب يدخلو اقسام ثانية بسبب الرياضيات
لأني اعرف كم طالب دخل it بسبب ضعفه في الرياضيات
وانتبه هناك فئة من الطلاب اذا سألتهم راح يمدحولك التخصص اللي هم فيه زيادة عن اللزوم
وانا صارت لي الحركة دي قبل ما اتخصص
وفي طلاب يعطوك الحق ويوضحولك ليش تخصصت في قسم وتجنب الباقي
اما لموضوع الدكاترة زي ما قال أخونا فيهم الخير والبركة
وبالتوفيق
|