[هي!!]

المشاركة الأصلية كتبت بواسطة أبـو فـيـصـل هههههههههههههه تقهرني البنت اللي تقول انه المجتمع ذكوري وانه كل شيء لنا هالحوسه غير الشهاده غير الراتب غير المهر غير السكن ومصاريف الزواج اللي لاتقل عن ميه وعشرين الف مو عشان طال عمره ابوك يوافق اني اخطبك وانتي اقصى تعب ممكن تتعبيه صلاة استخاره توافقين علي ولا على واحد انكرف اكثر مني وحيدفع اكثر

مع نفسك هذا مو موضوع حوارنا ولا كنت عرفت أرد عليك ولاعاد تشطح واجد طيييب ياشاطر!!

هذا أولاً

ثانياً شوف التعليم وحقوقنا فيه وشوف الأولاد وحقوقهم فيه وتعرف الفرق !
شوف الوظايف كيف للبنات وكيف للأولاد الولد لو بالثانوي غصبا بيحصل وظيفه ولو عسكريه وراتب لايقل عن 4 الآف

وشف البنت تدرس جامعه خمس سنوات في أفضل تخصص وتطلع بمرتبة الشرف وتجلس تتسول الوظيفه تسول ! ويمكن ماتحصلها !! لا تقول انتوا ماتحتاجونها لان فيه من يصرف عليكم
هذا الزمان أنتهى وزي ما الرجال له حق يشتغل ويعتمد على نفسه أنا بعد لي الحق أني أشتغل وأنجح وأذوق ثمرة تعبي مو معقول أبقى عمري كله متطفله على شخص ومعتمده عليه في كل مصاريفي !

وأقرب مثال يثبت كلامي هذي بنت أعرفها مثل ما أعرف نفسي تخرجت بإمتياز من مرحلة الماجستير تخصص رياضيات وجلست تتسول ذا الوظيفه حتى قبلوها جامعه خاصه براتب خمسه إلى 6 الآف يتغير بتغير الساعات يعني يضيع عمري في سفر ودراسه 30 سنه وفي النهايه 5000!!

ولو كان ولد رفعوه فوق السحاب !!

شف العراقيل اللي في أي معامله للبنت ! شف الحقوق اللي لأي بنت تطلع عينها وتطيح في الأرض ولا قد طلعلها الحق بس لأنها بنت ولو معها ألف حق !!




------


خلنا من كل الكلام اللي فوق وشف مثال مبسط الحين في أرقى شركه في الشرق الأوسط معقده الموضوع ومصلحه من سكن البنات مشكله وكأنه بيكون لهم قاصمة الظهر برغم ان هالبنات بيكونون مطالبين بنفس مهامكم يالأولاد وأعمالكم
ومع ذلك شف كيف العدل و المساواه اللي حاصله ماشاء الله !!

هذا وهي التوب وما خفي فيما أصغر منها من الشركات والمؤسسات كان أعظم

ما أقول إلا الله يكتب لي هجره من ذا البلد عشان أعيش بقية عمري في مكان أشعر فيه أني إنسان قبل كل شي وبدون تحيزات أو عنصريه لا لجنس ولا لغيره
في مكان تكون فيه المقاييس الاساسيه اللي يتحاسب عليها الشخص هي عمله وإنجازه قبل أي شي ثاني !!