[عبدالله الAL-HARBIحربي]

حياك الله

اخي انا والله مادرست برا لكن ناوي إن شاء الله وقبل فتره كنت متجهز اروح لنيوزولندا حتى انني جمعت معلومات عن طريق اشخاص اعرفهم درسوا هناك وعن طريق المنتديات لكن استخرت وإن شاء الله بعد التخرج لكن بعطيك ماجمعته من معلومات عن نيوزلندا


1/ احذر احذر احذر من المكاتب السعوديه ليش لانه مايعرف الا معهد معهدين وبالمدن الكبيره كا كراستشيرس واوكلاند بالاضافه الى انهم ياخذون عموله غاليه

2/ تجنب المدن الكبيره لكثرة السعوديين كانك بالرياض

3/ تجنب هالاوقات اي العطله عندنا لان السعوديين كلهم برا حتى لو تروح قريه ماكو فكه بالاظافه الى ان الدولار يرتفع صرفه لذالك افضل وقت هو بداية شهر 11 بالهجري

4/ اتجه للقرى وترى تختلف عنا قراهم القريه تقريبا 4000 نسمه مثل نيبر ونيلسون

5/ انصحك بمنتدا مبتعث بوابة نيوزولندا فيه مواضيع راح تفيدك وفيه مصريه اسمها علا كامل خبيره نيوزولنديه بالمنتدا تواصل معها وراح تكلمك وعلى فكره تراها عجوزههههه خذ ايميلها وكلمها وراح تعطيك معلومات كافيه وراح تنسق لك انا اشوفها غير نصابه لانها اعطتني اسعار حصلتها نفس اسعار المعاهد واعتقد انها تاخذ عموله لكن من المعهد وليس الطالب وفيه طلاب واجد ينصحون بها ائميلها كان عندي بس والله ماحصلته شكله انحذف لكن ارسل عليها رساله خاصه واعطها جوالك وهي تتصل على طول

6/ هنا خبرات من ذهب ليوزولندا بمنتدا مبتعث راح تفيدك

http://travel.maktoob.com/vb/travel505170/

7/ وهنا موقع للعوائل تقدر تتواصل معهم وتعرف عنهم كل شي بما فيها الاسعار لكن الطلبه ينصحون بان تكون العائله تابعه للمعهد لانه يضمن حقوقك ولا يرسلك الا للعوائل المحترمه لكي لايخسر سمعته واللي تبع المعهد بيكون اغلى من الاسعار اللي في الموقع

http://www.homestayfinder.com/Search...spx?country=NZ

8/ هذا رابط عن طريقه تتواصل مع اي معهد تحدده بنيوزولندا وهو مهم راسلهم وهم يرسلون لك القبول واحجز وسافر http://www.english-schools.co.nz/



9/ حاول تدرس بالجزيره الشماليه لانه اجوائها اقل بروده من الجزيره الجنوبيه


10/ اكرر مابديت به احذر من المكاتب اللي هنا كلها نصب في نصب غالين ويجمعون الطلبه بمعاهد محدد وبالمدن الكبيره


وتروح وترجع بالسلامه إن شاء الله