[فايز الهذلي]

والله يا شباب بحكم اننا انتساب مستصعبين المادة وانا لا حظت شغلة الي هي انه اكثر الطلاب يخافون من مادة البحث والتدريب ويبداون يتعاملون مع اشخاص من خارج الجامعة لكتابة البحوث لهم لدرجة انه بعضهم اصبحو يستغلون الوضع الي فيه الطلاب من خوفهم من هذي المادة ويبداو يطالبون بمبالغ عالية تصل الى الفين ريال ومانعرف مدى امانتهم هل هم راح يسوونه بجهد شخصي منهم او انهم راح ينسخونه جاهز مجهز سوا من النت او بحوث سابقة..... ويقولون حنا سويناه ..... و عشان يطمنون الطالب اكثر واكثر الي يقولك انا متعامل مع الدكتور وغير الي يقولك انا اعرف اسلوبه ومن هذا الكلام الي لايودي ولا يجيب و كله نصب واحتيال على اساس يدفع المبلغ الي يبغونه .. وعشان كذا حنا ماحسبنا حساب انهم مارح يهمهم شي غير انهم ياخذون اتعابهم بغض النظر سوا نجح الطالب او عساه ماينجح .......... و حبيت اقول نقطة بسيطة الي هي والله ياجماعة الخير ان مادة البحث جدا سهله وانا ادري انه ناس كثيرين راح يقولون ماعندهم وقت ومن الكلام ذا ولاكن اقل حاجة الواحد لازم يفهم شغله انه مارح يحك ظهرك الي ظفرك يعني مارح احد يهتم في البحث حقك اكثر منك وماعليك الي تشد حيلك شوية وراح تزين الامور ولاكن اهم شي الواحد يركز على اي خطة بحث علمي ويبدا ينفذ البحث حقه بناء عليها بعد مايشوف وش هي طلابات الدكتور وباذن الله راح تتسهل وللمعلومية ترا والله المادة ممتعة وراح تستفيدون منها كثير ..........طبعا انا اخذت المادة مع الدكتور خالد ميمني واشوف اكثر الشباب خايفين منه لدرجة اني نزلت موضوع في هذا المنتدى ووالله مالقيت احد يمدحه لي وكل الي حصلته احباط في احباط ولاكن قلت لنفسي خليني اسوي الي عليه والتوفيق من الله والحمدالله اتسهلت و كان البحث اجتهاد شخصي واخذت عليه امتياز ولله الحمد مع انه اعرف 3 اشخاص اتعاملو مع سوداني من برا الجامعة ماخذين من 70 الى 75 .........