انا رسلولي رساله في العصر
المهم انا اعطيكِ الخلاصه
احنا لمن اختبرنا قدرات عبينا ورقه للمنح بس مو هذا الموضوع
الموضوع انو هما يعطو منح للوزاره للسعوديين وهذي مو لنا
بس كمان يسوو منح للغير السعوديين المهم انك تدخلي اختبار والاختبار يختلف كل سنه غير
يعني بعطيك مثال لصديقتي جربت ودخلت الاختبار مكون من اختبار عادي مع تقديم بحث وتناقشي فيه نجحتي يسوو معاكِ مقابله عجبتيهم اوك ماعجبتيهم خلاص
وصحبتي دخلت الاختبار وكل شي واهم مافي الموضوع انو ياخدو الشهاده الاصل
لمن اخدو الاصل وهيا مااتوفقت في الاختبار مارضيو يعطوها الشهاده ويبغو يجبروها تدرس عندهم وهيا رافضه وبعد وبعد وبعد صياح وخصام هههه اخذت شهادتها
وبــــــــــــــــــس يعني ع حسب كل سنه اذا حابه تقدمي روحي زي ماقالتلك وتدخلي الاختبار ويمكن يكون الاختبار مختلف
واهم شي ماتعطيهم شهادتك الاصل لو ايش ماصار
قصه طويله بس حبيت افيدك باللي اعرفه ويحضرني حاليا
