خطة ( أ )
مادة حلوة وسهلة جدا واستغرب من الي يقول صعبة
بالذات الباب الأول جدا تافه و أحلى من الأحصاء لأن مافيه تعاريف
بس يبغاله تركيز
طريقة المذاكرة الصحيحة :
حل كل التمارين الي حلها الأستاذ بعد كذا ادخل على موقع الأستاذة سعدة وحمل نماذج الأسئلة وعيش ياعم معاها
طبعا مو قاهرني بهذه المادة غير ادرجة 94
يعني باقي درجة على A+
وعلى فكرة ترى يعطون بونس نهاية الترم
طريقة الأختبارات :
دوري أول : 30
دوري ثاني : 30
نــهـــائــــي : 40
الأساتذة ( السلامة ) :
درستني استاذة عبير الجحدلي وبصراحة شرحها مفهوم وتحاول من قلبها بس مشكلتها ماتظبط الكلاس و أحلى شئ ان تسامح لو تأخرتي عن محاضرتها شوي
المادة جدا سهلة وحلوة ومفيدة ومرت علينا بس أحس البرنامج الاوت لوك هو الي شوي غريب
بس اهم شيئ تذاكر النظري مظبوط عشان الأسئلة ممكن تجي بين السطور
طريقة الأختبارات :
دوري أول : نظري / 10 ، عملي 25
دوري ثاني : نظري / 10 ، عملي 25
نـــهـــائـــي : 30
الأساتذة ( السلامة ) :
استاذة أميرة الخضير ، الاستاذة اخلاقها شوي قافلة
بس شرحها روعة و تفهمي بالمحاظرة نفسها
بس تخسف خسف بالعملي و كل البنات ملاحظين هذا الشيء ، نقصتني عن A بدرجة
ما تلاحظون حظي دايما كذا
وترى لو تأخرت 5 دقايق عندها من الأفضل ماتدخلين اتقاء للفشيلة
مادة حلوة بس دسمة شوي لازم تذاكرونها كل محاضرة بمحاضرتها
و كل الدروس معادة بس الأختبارات على حسب مزاج الي يكتبها
بس من جد فادتني جدا ذي المادة وخصوصا ان أملائي ضعيف وهي قوته >>>
لحد يشيك على الموضوع ويطلع الأغلاط استروا ما واجهكم 
طريقة الأختبارات :
دوري أول : 30
دوري ثاني : 30
نــهـــائــــي : 40
الأساتذة ( السلامة ) :
درستني استاذة حنان الراجحي الاستاذة طيبة بس عيبها ان محاضرة تدي درس و محاضرة تختبر و أحنا اصلا محاضرتين في الأسبوع فكانت تدين اربع دروس مرة وحدة
بس غير كذا شرحها حلو وماتحاسب على الغياب كثير و تقدري تتواصلي معاها طول الوقت
مادة حلوة بس تصورتها اسهل من كذا
لأن كل ماسألنا شخص متخصص ايش اسهل شيء يقول ثقافة
فتوقعتها مادة اطفال
المهم طبعا زي اخواتها تحتاج مذاكرة اول بأول
طريقة الأختبارات :
دوري أول : 30
دوري ثاني : 30
نــهـــائــــي : 40
الأساتذة ( السلامة ) :
درستني د.مها العامودي روعة و أخلاق وشرح و التزام وفوق كل هذا تراعي طالباتها
واذا كانت محاضراتك 3 مرات بالاسبوع تصير مرتين وتنلغي الثالثة
وبكذا خلصنا المواد