[ريال واحد فقط لا غير]

ما شاء الله الله يزيدك ان شاء الله

اول شي : انت سجلت في الجامعه ولا لا؟ لانو التسجيل ينتهي يوم 10 شعبان
اذا ما سجلت سجل من هنا http://odus2.kau.edu.sa/regular1434/REGISTER.ASP

ثاني شي : لمن تسجل في الجامعه لازم تدرس سنة تحضيرية بعدين حسب المعدل اللي تجيبه في السنة التحضيرية تدخل الكلية اللي تباها ...يعني نسبة الثانوي + القدرات + التحصيلي هذي بس تدخلك الجامعه وبعدين تدرس سنة تحضيريه وتختار الكلية في نهاية السنة وعلى حسب معدلك في السنة التحضيرية تدخل الكلية اللي تباها

ثالث شي : دراسة الطب 7 سنوات ( سنة تحضيرية + ثانيه طب + ثالثه طب+ رابعه طب + خامسه طب + سادسه طب + سنة الامتياز (التطبيق بالمستشفى))

رابع شي : معدل القبول على حسب المعدل اللي تجيبه في السنة التحضيرية من 5 يعني لو جبت 4.5 وفوق تضمن ان شاء الله كلية الطب

خامس شي : دراسة الطب اهم شي فيها تنظيم الوقت ...يعني توزع وقتك بين المذاكرة واللعب والفله مع الاصحاب وزي كذا ...يعني مافيه شي صعب او سهل كل واحد وحسب تنظيمه لوقته

بالتوفيق لك