[ζ ـــږۉف الـتـ’ـمـيـــزْ]

الخطة الدراسة ..... " ب " المواد :الاحصاء , الكيمياء , الاحياء نبدأ بالشرح المفصل لكل مادة.. اسم المادة :الاحصاء اللغة :اللغة انجليزية عدد الفصول: 8 مواضيع الفصول : الفصل الاول :انواع الاحصاء والبيانات والمعلوماات .. وكله نظري راح تتعبون في البداية مع اللغة بس بعدين تصير مره سهله .. الفصل الثاني :توزيع البيانات في جداول حسب نوعها.. والرسومات اللي تنفع لكل بيان.. الفصل الثالث :مقاييس التشتت والنزعة المركزية.. اللي هي المتوسط والوسيط والمنوال..الخ الفصل الرابع :الاحتمالات وهو من اروع الابواب بالنسبة لي .. بس اهم شى تفهمة تمااااام بعدين لك حرية اختيار طريقة الحل .. هذه ميزتة مايعتمد على طريقة وحده ممكن تحلها بالف طريقة .. الفصل الخامس :توزيع البيانات المنفصلة برضو سهل وقصير.. الفصل السادس :التوزيع الطبيعي (توزيع البيانات المتصلة) .. في النهائي مررره ركزوا علية .. الفصل العاشر :المعاملات للبيانات الرقمية (قانون واحد فقط (و مقياس التشتت .. الفاصل الثالث عشر :معامل البيانات النوعية (قانون واحد فقط) .. تقسم الفصول والدرجات في الاختبارات : الدوري الاول :الثلاث الفصول الاولى.. 30 درجة لـ 45 سؤال(كل سؤال علية 0.67 درجة) الدوري الثاني :الفصل الرابع والخامس والعاشر والثالث عشر .. 30 درجة (30 سؤال) النهائي :جميع الفصول 40 درجة (40 سؤال) المجموع : 100 درجة ..فية بونس بس لا تعتمدون علية.. لانهم يحطونه على حسب الدفعة .. وهو تحسب درجتك من 100 وتضربها في 1.6 وتطلع لك درجتك بعد الزيادة .. افضل الدكتورات :لميس العامودي بس اخر ترم ماكانت فية.. وسماح سندي مررره رائعة.. المذاكرة :من الكتاب لان واضح فيه كل شئ .. و حل التمارين للفصل 4 و 5 و 6 اهم تمارين لازم تنحل الباقي مهمه بس مو زي هذه الفصول .. في مشكلة بسيطة في الاختبارات بس ماتعتبر عائق بس لازم تركزون في الحل يعني ممكن رقم تغلط فية يطلع واحد من الاجوبة..واستاذه سمااح نبهتنا قالت انا اشوف انتوا كيف تحلوا في المحاضره واطلع لمكتبي واسجل اخطائكم ولما اجي وقت الاختبار اسوي الاخطاء اللي انتم تسوها واحط اجاباتها من ضمن الخيارات .. كمان الاحتمالات افضل طريقة لحلها انك تكتب المطلوب زي ما انت نطقته ... مثال :احتمال تطلع كوره حمراء تقول يبغى كوره حمراء ومن الصندوق الاول او كوره حمراء ومن الصندوق الثاني وتترجم كلامك لقوانين..لاتخافوا لما تدرسونها تفهمون قصدي .... ملاحظة :كمان في ورقة فيها القوانين تجي مع الكتاب لاتنسوها في الاختبار لانها مره مهمة.. الملخصات : جمال السعدي بس مو مرره حلو زي الرياضيات واشرف بركات .. طريقتي: *اذاكر من الكتاب والملاحظات اللي مع الأستاذة .. * احل التمارين اللي في الكتاب .. * ارجع اقراء الملخصات كمراجعه لان الكتاب وافي .. * اسئلة الاعوام السابقة مررررررررررررره مهمة .. اسم المادة :الكيمياء اللغة :اللغة انجليزية عدد الفصول: 12 بس لاتخافوا في منها كم فصل بس صفحتين او ثلاث مواضيع الفصول : الفصل الاول :خواص المواد.. والتحويل بين الوحدات ومقاييس الحرارة .. الفصل الثاني :الجدول الدوري و صيغ المركبات وتسمية المركبات <يمكن هذا الشئ الجديد هو اكثر شئ يعانوا منه جدول فية المركبات لازم تنحفظ .. سويت لها تلخيص وهذا رابط الموضوع http://www.skaau.com/vb/showthread.php?t=539889 > الفصل الثالث :الكتلة الجزئية وتوابعها.. كمان وزن المعادلة.. وحساب نسبة عنصر في مركب..اخر جزئية هي الجديده لكن الباقي كله من الثانوي .. الفصل الرابع :التركيز .. كلها قانونين وتعويض مباشر .. الفصل الخامس :حساب ضغط وتركيز الغازات .. والقانون العام للغازات والاشياء السهله هذه .. الفصل السابع :هنا نبدأ ندخل في توزيع الالكترونات واعداد الكم .. الفصل الثامن :تابع للسابع .. وفية في الاخير طاقة التأين والجهد حق العناصر اللي تزداد من اعلى الجدول الى اسفله .. والكلام السهل هذا.. الفاصل التاسع :اشكال لويس والتوزيع الثماني للعناصر فصل مرره سهل حلو .. الفصل الرابع عشر :الاتزان الكيميائي ... مهم في النهائي .. الفصل الخامس عشر :عن الاس الهيدروجيني ونفس القوانين اللي في الثانوي ... الفصل الرابع والعشرين :الكيمياء العضوية والمجموعات الوظيفية ... بس بشكل مبسط جـــــــــــــــــــــــــــــــــــــــــــــــــ ـداً ... الفصل الخامس والعشرين :تابع لـ 24 بس البروتين والمجموعات الوظيفة الداخلة فية.. تقسم الفصول والدرجات في الاختبارات : الدوري الاول :الاربع الفصول الأولى .. 30 درجة ( 30 سؤال) الدوري الثاني :الفصل والخامس والسابع والثامن .. 30 درجة (30 سؤال) النهائي :جميع الفصول 40 درجة (40 سؤال) المجموع : 100 درجة .. فية بونس بس لا تعتمدون عليه .. لانهم يحطونه على حسب الدفعة .. يزود الدفعه كلها درجتين مثلاً .. افضل الدكتورات :ليلى الحربي و نهى وزان .. انا درست مع نهى كانت رائعة .. المذاكرة :من الكتاب .. و سلايدات نهى او ليلى.. كل شى واضح .. واختبارات الكيمياء دايماَ سهله.. انت تحل والاجابة تقولك شوفني انا هنا (بالنسبة للبنات) .. واضح مو زي للإحصاء.. التمارين اللي في الكتاب ماكنت احلها لان الاختبار مرره سهل .. التست بانك حق الكيمياء مرررررررررررررررررررررره مهم.. في البداية راح تحسونه مررره صعب بس يعطيكم افكار ممكن تجي منها في الاختبار.. ملاحظة :الجدول الدوري يجي مرفق مع الاختبار بس ابيض واسود يعني لازم تعرفون مكان العناصر الشبة فلزية عشان لو جاء سؤال عليها .. الملخصات :يوسف زويل.. بس انا اشوف انه مايحتاج .. طريقتي:*اذاكر السلايدات نهى والملاحظات اللي اكتبها مع الأستاذة .. *ارجع اقرأ الملخصات كمراجعه لان السلايدات وافية .. *اسئلة الاعوام السابقة ... *التست بانك من موقع الدكتوره ليلى .. اسم المادة :الاحياء من امتتتتتتتتتتتتتتتتع مواد التحضيري .... اللغة :اللغة انجليزية عدد الفصول: 18 مواضيع الفصول : التعريف بعلم الأحياء>> اسم العرض الفصل الاول :مدخل مجرد اشياء اساسية.. تعريف علم الاحياء والنظرية والفرضية..الخ الأساس الكيميائي للحياة الفصل الثاني :هذا الفصل كيمياء اكثر من انه احياء .. الجزيئات الخلوية الفصل الثالث :يتكلم عن البروتينات والكربوهيدرات والأحماض الامينية والدهون.. مررره مهم حتى للشباتر الباقية .. الخلايا والأنسجة الفصل الرابع :يتكلم اول شئ عن الخلية بعدين الانسجة في الانسان وبعدها في النبات.. شئون الطاقة الفصل الخامس :الخلية العامة..يتكلم عن خاصية الانتشار ونقل الجزيئات .. وطاقة الخلية .. والإنزيمات .. الفصل السادس :كيف تحصد الخلايا الطاقة الكيميائية.. التنفس الخلوي والرئوي.. عملية التخمر الفصل السابع :مرره حلو وبسيط .. عن البناء الضوئي و مراحله.. وفي اخر يتكلم عن الاحتباس الحراري .. التنوع الحيوي الفصل السادس عشر :بالعربي تصنيف ..في البداية يتكلم عن طريقة التسمية العلمية.. بعدين يمسك البكتيريا والبدائيات وخصائصها.. بعدين حقيقة النواه يبداء بالأوليات وبعدها النباتات وبعدين الفطريات اخر شئ الحيوانات .. افضل طريقة لمذاكره هذا الشبتر هي تلخيصها لان الامثلة مرره مهمة..ويعتمد على الطالب لانه حفظ مو فهم زي باقي الشباتر.. التغــذيــة الفاصل الثاني والثلاثون :ينقسم قسمين الاول التغذية في النبات .. الفصل الواحد والعشرون :والثاني الهضم في الانسان من هنا تبدأ الاجزاء الممتعة لانه في جسمنا واشياء سبق واخذنها .... تبادل الغازات الدوران الفصل الثاني والعشرون :تبادل الغازات .. يبدأ من المخلوقات البسيطة ثم الاعلى فالأعلى الى ان يصل الى الانسان بالإضافة الى الية النقل .. الفصل الثالث والعشرون :الدورة الدموية.. نفس الشئ يبدأ من المخلوقات البسيطة ثم الاعلى فالأعلى الى ان يصل الى الانسان بالإضافة للجهاز القلبي الوعائي للانسان.. اخر شئ تركيب الدم.. الإخراج الفصل الخامس والعشرين :الاتزان الحيوي .. يشمل تنظيم الحراره والتنظيم الاسموزي والإخراج .. و اخر شئ الاخراج في النبات .. التكاثر الفصل الواحد والثلاثون :نبدأ بالتكاثر في النبات ثم الانسان ... الوراثة الفصل الثامن :النقسام الخلوي الفتيلي و الاختزالي .. من ثم قوانين مندل فصل مرره قصير .. الفصل العاشر :التركيب الجزئي للماده الوراثية .. الفاصل الحادي عشر :الاستنساخ في النبات والحيوان بالضبط سلايدين ورسمتين .. الفصل الثاني عشر :التقنية الحيوية ( الهندسة الوراثية ) برضوا كم صفحة مو كثير.. فكــــــــــــــــــــــــــــــــــــــرة : من ناحية الطباعة راح تطلع لكم اورااق مره كثيره.. لان اغلبها رسومات.. لكن لكم حلين :... اما تحملوها على الايباد.. وتستخدمون برنامج اسمة iAnnote PDF مره يسهل لكم المذاكره كأنه ورق في ايدكم .. عشان في ناس ماتحب تذاكر غير في ورق.. او تطبعون الصور لحال وتنسخون الكلام اللي في الاسلايدات وتحطونه في وورد يصير اقل لان ممكن تلقى سلايدات ما فيه غير جملة وحده .. في الوورد انت تتحكم وتخلية بالشكل اللي يعجبك وكمان تقل الاوراق ويصير شكلها اقل.. او اذا عندكم افكار ثانية ممكن تكتبوها هنا عشان الكل يستفيد.. تقسم الفصول والدرجات في الاختبارات : الدوري الاول : الاربع عروض الاولى.. 30 درجة( 30 سؤال) الدوري الثاني :الثلاث عروض اللي بعدها .. 30 درجة (30 سؤال) النهائي :اخر اربع عروض 40 درجة (40 سؤال) المجموع:100 درجة ..فية بونس بس لا تعتمدون علية .. لانة يكون على حسب مستواك تزيد .. ويزودون في اختبار واحد بس .. يعني اذا زودوكم في الدوري الثاني ماراح تزيدون في النهائي .. افضل الدكتورات :حنان الشاذلي بلا منازع .. لانها تفهم وتشرح لنا بطريقة حلوه .. المذاكرة :من السلايدات .. ومن التريننق يدربكم على الاسئلة ويجي منه .. دايماَ في الاختبار اقرأوا السؤال تماام وكمان الخيارات لان مو شرط تجي كلها بالنص .. يكون في اسئلة تعتمد على الفهم .. كمان ركزوا اذا كان من ضمن الخيارات aوb صح مثلاً ارجعو شوفوا الخيارت تنفع الثنتين او لا.. في مساعده من حيث الترجمه فقط.. الجزء اللي تختبروا فيه ينحذف مايرجع مره ثانية.. الملخصات :مافي ملخصات .. مايحتاج ... طريقتي:*اذاكر السلايدات والملاحظات اللي اكتبها مع الستاذة.. *اذا كان في وقت التريننق اجلس علية .. *اسئلة الاولاد لانهم دايم قبلنا .. وتجي منها بالنـــــــــــــــــــــــــــــص ♥لا أحد يرد لين اخلص ♥