[ζ ـــږۉف الـتـ’ـمـيـــزْ]

المشاركة الأصلية كتبت بواسطة rhf حروف التميز ،، دخلت القسم والموضوع دا بس كدا لقافة، وعشان اقول الصراحة ، ما قرأت الموضوع كامل ، قريت بدايتو بس ، من درجات التحصيلي و القدرات وكيف لمن روحتي ودخلتي مبنى 29 وكيف كان لك اول يوم في الجامعة مع الخريطة الملونة ولخبطة مبنى 7 وابعد مبنى الي هو 12 !! الكلام دا كلو اقراه ، سبحان الله نفس التجربة ، بنفس الترتيب ، نفس التفكير ، نفس الي حصلي ، اتزكرت كل لحظة عشتها زي ما كتبتيها انتي ، وكأن الزمن يعيد نفسو معانا كلنا ،، لمن شفتك بتتكلمي عن المواد ما حبيت اقرا واتزكر الهم ، بس وانا بانزل عالردود انزل وانزل وانزل لمحت اسم حنان الشاذلي واتزكرتها ، الموقف الي ما انساه معاها : ( كانت في بنت سرحانا في الكلاس ، سارت تقولها د/حنان انتي شكلك مخطوبة صححح ؟ السرحان دا كلو بتفكري فيه ، مدري انتو ليييششش متحمسين للجواز ، يابنات ركزو في دراستكم واجتهدو ، ترا دا الجواز الي بتحلمو بيه موجود من بلاييين بلاايين السنين ، من يوم انوجدت البشرية ههههههههههههههه ) والله يومها ضحكتني فعلن ، والسنة دي كم مرة شفتها وغصبن عني سلمت عليها انسانة فرضت نفسها على الجميع بتعاملها واخلاقها وشرحها وعلمها ، الله يوفقها ، // ان شاء الله انها كانت تجربة حلوة ومحا تنسووها ، حتتزكرو الايام دي ، وايام المرمطة حقت التحضيري ، وحترتاحو في التخصص جدا ، < باتكلم كأني جدتكم هههههههه يلا موفقين ، rhf

هههههههههههههههههههههه
والله كان ليلنا طويـــل خخخخ

بالعكس كانت سنة حلووووو..





يب يب دكتوره حنان فضيعة وكانت دائم تعلق على هذا الموضوع خخخخخخخ ..
حسها الفكاهي فضيع .. كنت اشتاق لمحاظراتها .. ومعلوماتها الخارجية.. واسلوب شرحها ..
جد عمري ماشفت احد ماشاء الله مخلص ومتفاني في عمله قدها .. الله يحفظها يارب ♥

ههههههههه من جد ايام مرمطة بس حلوه

وياااك ياقلبي ..

المشاركة الأصلية كتبت بواسطة rhf كعادتي انسانة ملقوفة ، ههههههههههههه خليني اساعدك شوية ، وهي تقولك الباقي ، اول شي يا حلوتي ، المستوى الاول حق الانقلش بدون ساعات ، يعني حتدرسي 6 اسابيع ما تدخل في المعدل ، وما يحتاج اقولك الكرررف لانو محاضراتو مرة كتير وهي الي حتاخد اغلب وقتك في الجامعة ، انصحك ، تدخلي الاختبار ، حتى لو بدأتي من المستوى التاني ، حيكون افضلك لانو حيدخل في المعدل ، بعدين فكري فيها الترم الواحد ، تاخدي فيه مستويين ، لنفرض انك اختبرتي تحديد المستوى ، و حطوكي ف المستوى التاني ، حيسير الترم الاول تدرسي ، المستوى التاني 6 اسابيع و التالت 6 اسابيع ( لاحظي انك عديتي المستوى الاول ) الترم التاني : حتدرسي المستوى الرابع في 6 اسابيع برضو ، وحتقعدي باقي الترم ماعندك انقلش حيسير عندك وقت ما تداومي وتقعدي ف البيت تزاكري ، تنرحمي من الانقلش والكرف حقو ،، < اتكلمت بالتفصيل ، ومن الاخر انصحك تختبريه في كل الاحوال الانقلش سهل والمستوى الاول كانك اولى ابتدائي ، وكل الي ما اختبرو تحديد مستوى ندمو اشد الندم انو ضاع 6 اسابيع من وقتهم ، كذلك انصحك\ تداومي اول يوم ، لانك حتستكشفي مكان كبير ، لو داومتي اول يوم وعلى طول محاضرات حتضضضيعي وتتأخري و من اول يوم تتهزأي خخخخخخخخخ روحي اتفرجي عالجامعة ، وشوفي المباني الي عندك فيها محاضرات ، ودوري عالقاعات ، كمان شوفي فين اماكن الكفتريات وزي كدا ، اخر شي باقولو لكي ، بالنسبة للكتب ، احمدي ربك انهم بينطو ههههه لمن يبدأ الدوام حتترجيهم يحزفولك لو درس واحد ههههههههااااااي ، ،، اختي حروف ، ااعتذاري لك ، حبيت اساعدها :)

يالبها الملقوفة << الحال من بعضه خخخخ

عادي خذي راحتك ياقلبي ..

اهم شئ يستفيدوا مني او من غيري ماتفرق ..