رد: دقيقة من وقتك ...
حبيبي الاخوان كفو و وفوا خاصة zelm
لكن نصيحتي من البداية
اما ملخصات اشرف حراء ( شامل جميع الافكار واغلب الطلاب يذاكرون منه )
او حسن وحيد ( ما سمعت فيه الا على الاختبارات النهائية)
اختر احد الاثنين وانا افضل لك الاول
لاني على ما سمعت انه كل واحد فيهم له طريقة حل
وبرضه راح تلاقي طريقة دكتورك في الحل تختلف عن طريقة حل اشرف حراء
صحيح ملخصات اشرف مكتوبة بشكل عشوائي وملخبطة وتسد النفس
لكن ذاكر كل يوم شابتر وبروقان وتراها قليلة الاوراق بس اعطي كل شابتر حقه
ذاكر الشابتر مرة واثنين وثلاث لين ترسخ الفكرة وبعدين ابدا حل
ملحوظة لما تجي تراجع قبل الاختبار انصحك انك تقرا الاسئلة كاملة وخاصة اللي في نماذج الاختبار القديمة وكذلك اسئلة الواجب اقراها من الكتاب
لان اشرف حراء في ملخصاته يختصر الاسئلة وهذا اللي نكبني في الدوري الاول
لاني اعتمدت على قراءة السوال من ملخصاته وهذا خطأ فادح
لان الاختبار يجيك السوال 3 سطور الى 6 سطور يعطيك قصة يدوخك فيها بس زي ما قلت لك
قبل الاختبار اقرا نماذج الاختبار
اقرا الاسئلة زين واستنتج المطلوب وحل وقارن حلك بالحل الصحيح اللي موجود
باذن الله اضمن لك 80
المادة سهلة و افكارها تنفهم لكن المشكلة في اللي يحط الاسئلة يحط لك كلام كثير ويدوخك
تعتمد بنسبة 60% عل لغتك بس بمجرد انك تطلع المطلوب وربي تحل على طوووووول
نصيحتي لك
افهم كيف ترسم الـــكاش فلو ( Cash flow )
اللي هو الرسم المساعد
لانه يشكل نسبة 98% من اجابة السؤال
والباقي هو عبارة عن ترجمة للعمليات اللي تحصل اللي بتكون موضحة بالكاش فلو
خل ببالك اذا انك غلطت بالكاش فلو فتذكرني وانا اقول لك ( كل سنة وانت طيب ههههه )
اعرف ان حلك راح يطلع خطا بخطا
لكن لا تخاف كل شغلة تكتبها راح تاخذ عليها درجة ( كاش فلو - الفورمولا ترجمة الرسم - الارقام اللي بالجدول - النتائج النهائية )
اتمنى اني وفقت لتوصيل الفكرة
ممكن تلاقي غموض بكلامي لاني اكتب لك وانا اخذت المادة وفاهمها
لكن انصحك للرجوع وقراءة كلامي مرة ثانية قبل الاختبار الدوري الاول
اسال الله انه يوفقك
|