رد: اللي أخذو ماث 205
-كيف اختبارات المادة من ناحية الصعوبة ؟
الاختبارات جدا سهله ،، ويختار تقريبا نفس اسئلة الدفتر ،، مشكلتها طويله فقط ويبالك تحل بسرعه ،، لكنها ابدا مو صعبه
-هل صحيح أن أول دروس المنهج تكون شوي صعبة ثم تبدأ في السهولة ؟
بالنسبالي نعم ،، في البدايه المنهج كان شوية معقد بالنسبالي ،، كنت اخرج من المحاضره اقول ايش جالس يقول الدكتور ،، يبالك تركز في المزاكره ،، بعد ما يخلص المتسلسلات والاشيا دي ،، يجي التكامل الثلاثي ،، سهل جدا ومافيه اي حاجه
-من فين كنتو تذاكرون للمادة ؟ من الدفتر أم الكتاب ؟ أم هناك ملخصات ؟
عن نفسي كنت عند د.صالح
بصراحه شريح وفاهم المهنج ودفترو مرة تمام لانو هوا يحضر معاه اوراق وكدا ،، فتحصل كل شعبو نفس الدفتر
لكن مشكلة د.عبداللطيف يجي يكتب من دماغو ،، ما معاه اوراق ،، فممكن في كلاس تحصل مسئلة ما اعطاها الكلاس الثاني وهاذي سارت مع اصحابي الترم الماضي ،، كانو قبل الاختبار ياخدو الدفاتر ويشوفو ايش الي ناقص
ازا تبى تضمن الدرجه الكامله ،، زاكر دفتر صالح تمااااااااام ،، ومر على دفتر عبدالطيف شوف المسائل الي ناقصه عندك ،، راح تحصل اصلا في تشابه جدا كبير ،، لكن كم مسئلة فكره ناقصه عند صالح
بالتوفيق وشد حيلك ،،،،
|