رد: لا تبخل علينا .. أدخل وأكتب خواطرك
هذي ابيات من قصيده اعجبتني قلت انقلها لكم ونشووف رايكم فيها
يغنيك عن كثر الحكي مجمل ابـيات
ومن يـاخذ المضمون يـلقـى الادله
تدري وش اللي يقتـل الحـب بسكات
لاصرت في بـوحك تحـس بمذله
وتدري وش اللي يكسـر الظهـر حزات
لامن عطـيت احساس ماهو محله
وتدري متـى تستاهل الطعن مـرات
لا مـن خطـيت الدرب وانته تدله
لا تـتبع المقفـي على كل حالات
بعـض الوجيـه اللي تـقابلك عـله
ولا تسال الغالـي عن الجرح لا فات
نبش الحـكي يزود الـطين بله
طالع فمن حولك وتاخذ شهادات
ما نلـتها لو تدرس الدهـر كله
ناس(ن) تجر من اسود الضيق ونات
وناس(ن) تقضيها وناسه وفلـه
هذاك شال هموم غيـره ولا بات
وهذاك مايدري عـن احساس خله
احدن يهين اصـلـه على كل زلات
واحدن ترومه شـيـمتـه ما تزله
لا تقول حـظي من عـنا الوقـت قد مات
قل مات حـظ اللـي عـناه اسـتحله
ولا ضاقت الدنيـا وعلى الكيف ما جات
اطلق احجاجـك ثـم توكل على الله
|