23-06-2012, 01:56 PM
|
#5
|
تاريخ التسجيل: Sep 2011
كلية: كلية الاعمال برابغ
التخصص: ادارة مستشفيات
نوع الدراسة: إنتساب
المستوى: متخرج
البلد: منطقة الرياض
الجنس: ذكر
المشاركات: 4,855
|
رد: لـآ تسَتْفِزُوا هيّبَتِيّ گيْ لـآ : أُبَعْثِرْ وُجودُكمْ .. =)!
..
في يوم من ايام الماضي القريب حدث مآيلي :
منطرب على انغام رآبح تصدح من المسجل في الخط السريع
كالعادة سرعتي تتجاوز القانون 140 ومتجاوز الخط الاصفر <~ آقصى آقصى اليسار
اشوف وراي براقات المرور السري وتلقائي بدون نقاش وبكل برود وقفت ونزلت من السيارة
العسكري / ماشاء الله وراك وزارة وش عندك طاير كذآ وتاذي خلق الله
مشعل / ابد سلامتك ماوراي وزآرة ولآشي منطرب مع الاغنية وعادي ماسويت شي غلط الا اني تجاوزت سرعة شوي وشطفت كم سيارة <~ طبعي البرود
العسكري / تستخف دمك , رخصة واستمارة
مشعل / ماعندي رخصة .
العسكري / ماشاء الله اجل اركب الدورية .
مشعل / مكيفة السيارة ولآ؟
العسكري بدت تفصل فيوزاته اخذ الاثبات حقي + استمارة السيارة وراح يدور بسيارتي ويبي يفتشها
كنت فوق راسه وانا الي افتح له الباب وادور معاه واقوله ضايع لك شي ؟ وش تدور مفاتيحك ولآ الجوال؟
العسكري ثواني كان ووده يثور فيني لكنه تعوذ من ابليس وقال انطق لين اجيك
مشعل / لآتبطي علي الله لآيهينك , وشغلت المسجل مرة ثانية ورفعت الصوت على حد سمعي .
العسكري انفجر مني طبعا ومن برودي يحاول يستفزني وانا اقلبها عليه وهذآ طبعي دايم برود لآبعد الحدود بكل تصرفاتي وخصوصا مع العسكر لآشافو الشخص مرتبك وخايف يستغلونه ويجلدونه جلد
بعد ماشيك على اثباتي والاستمارة ان كل شي معاي سليم وماعلي بلاغات او اي شبهات كان التالي :
العسكري / انت من سمح لك تسوق بدون رخصة ومخالف الانظمة والقوانين بعد .
مشعل / ابد والله طفشان وازعجت الاهل ابي اسوق واعطوني سيارة من 4 سنوات ومثل ماتشوف طال عمرك .
العسكري / لآتستخف دمك ولآ بتركب الدورية وشوف من يطلعك وقتها .
مشعل / سالتك مكيفة مارديت خلني اشيك بنفسي وابشر . <~ تركت العسكري بين السيارتين ورحت فتحت باب الدورية واشوف المكيف
قلت اي قسم بتوديني لآتقول الشمالية ترآ الضآبط الي فيه كارهني وماوده يشوفني ثاني
العسكري / ماشاء الله يعني قد دخلته قبل كذآ عليك سوابق .
مشعل / ايه كل اسبوع لآزم امر اسلم على الضآبط وامشي .
العسكري وبيده دفتر المخالفات / انا وش اعطيك الحين لآرخصة وقلة ادب بالتعامل وردود وتظليل وسرعة وتجاوز خط اصفر
مشعل / الي يرضي خاطرك سجله اهم شي رضاك .
العسكري بعد ماسجل رخصة وتظليل / خذ ولآعاد تتكرر .
مشعل / لآهنت بس سجل اسمك على القسيمة .
العسكري / مايخصك الاسم وش تبي فيه؟
مشعل / لآ بس ابيه ذكرى اني اخذت قسيمة من الشخص فلآن الفلآني ,
سجله وجلس يتريق على برودي واني رح اندم لو كنت طحت مع واحد ثاني .
طبعا ( العسكري كان شباب وشكله توه متعين جديد ولآ لو كان شايب كان على ردودي هذي سحبني للقسم )
هذا طبعي دايم مع العسكر عناد وفلة ورفع ضغط , مااسمحله يقلب ضدي ويستقوي علي
بعد مامشيت دقيت على ,,,,,,,,,,,,,
السلآم عليكم , شخبآرك ,,,,, عسآك بخير
ابد بس توني ماخذ قسيمة بالخط السريع من العسكري فلآن الفلآني
خلآص ابشر بآرسله لك برسآلة الحين واصورلك القسيمة ارسلها لك على البلآكبيري
بعد المكالمة بساعتين رجع اتصل فيني
خلآص تفاهمنا مع العسكري والغينا المخالفة
شكرآ شكرآ مع السلآمة
^^^^
هذآ الي مخليني اتمادى بتصرفآتي واتهور
حسبي الله على الوآسطة ونعم الوكيل دمرتني
الله يتوب علي واترك هالعادة
دعوآتكم
|
|
|
|
. .
* سبحانك اللهم وبحمدك اشهد ان لا اله الا انت , استغفرك واتوب اليك ..~
|
|
|
|