[الملاك الأبيض]

مساء الخير للجميع .. في البداية الاخت كولا والاخ صقر الشمال تسلم افواهكم واناملكم على الكلام الي كتبتوه بكل حكمة وموضوعيه .. مشكلتنا نحنا العرب بس ناخذ الي ترميه علينا قنوات التلفزيون بلا تثبت او تروي او تحليل وننسى الاهداف الخفية والاجندة وراء كل قناة التي تسعى لمصالحها الخاصة وبعضها يخدم اوليائه من الغرب والماسونيين ..

مبارك الله يرحمه اولا واخيرا بغض النظر عن المؤيدين والمعارضين مبارك يبقى مسلم وله الرحمة .. يابشر اذا كان ابو جهل وقديش ظلم وآذى الرسول لما مات واجو اصحاب الرسول يسبوه قال لهم الرسول صلى الله عليه وسلم " لاتسبو الاموات فإنهم قد أفضو الى ماقدمو " >> هذا وابو جهل كافر فما بالنا بانسان مسلم وكمان كان رئيس لثلاثين عام لاكبر بلد عربي ياناس حرام عليكم الشماتة وارحمو عزيز قومٍ ذل ..

وبصراحة في نفسي كم سؤال لمن يرى الخير في هذه الثورات الي انتشرت وقامت في يوم وليلة ..

اولا هذي الشعوب الي فجأة صحيت من سباتها وين كانت من ثلاثين واربعين سنة ؟؟ ليش ماقامو ليه مانتفضو توهم يعرفو ويحسو انو هم مظلومين ؟؟ توهم يحسو انو يبغو حرية ؟؟ ليش هالوقت بالذات ؟؟ >>ولا تحللو من انفسكم اقرو وشوفو تحليل من اليوتيوب وشوفو ايش سبب هذي الثورات وكيف بدأت وبعدها تكلمو ..

ثانيا : رئيس مثل مبارك صار بالسجن وانجلط والناس صارت تدعي عليه بسألكم يعني انتو خلال ثلاثين سنة ماشفتو منه خير ابدا ؟؟؟؟؟؟ ماعمل شي لمصر ؟؟ ياناس كفاية الامن الي كنتو عايشين فيه الي دحين الواحد مايأمن على بيته انو يطلع ويرجع يلاقيه سليم وانا اعرف ناس بمصر عايشين هالاوضاع العصيبة . شوفو مصر من ثلاثين سنة والحين شوفو قديش تطورت وقديش انبنت .. اوكي في اموال مأكولة ومسروقة ولكن اليس هذا الحال في كل الدول العربية وحتى الاجنبية ؟؟؟

وبعدين انتو لاتفكرو بس انو راح رئيس وحطينا عليه اكس .. فكرو في حال البلد بعده الدول هذي الي راح منها رؤسائها راح تزيد فتنة وانشقاق على نفسها . زمان كنا كلنا عرب الحين صارت كل دولة مقسومة على نفسها . مصر صارت اقباط ومسلمين والعراق صارت سنة وشيعة . والسودان شمال وجنوب . واليمن شمال وجنوب . وليبيا برقة تبغى تنقسم وتعمل دولة لوحدها . وتونس لليوم مو عارفة راسها من رجولها . وسوريا صرنا نقسم ناسها مين السني ومين الشيعي والعلوي . هل كنا كذا من قبل ؟؟ كفاية انو كل رئيس كان ماسك دولته وان كانو ظالمين فلهم يوم يتحاسبو فيه اقرو كتاب البخاري وفيه باب كامل فيه احاديث عن عدم الخروج على الحاكم مهما عظم ظلمه لأنه نزع هذا الحاكم يؤدي لفتن اكثر كان هذا الحاكم سد منيع في وجهها وهذا الي نشوفه في كل مكان ...

والي يقولو عن الوضع المعيشي وانو الشعوب تعبانة والسرقات الي كانت تصير في مصر وسوريا من الحاشية .. بسألكم سؤال موضوعي وبكل تعقل بسألكم هل السعودية خالية من الفقر ؟؟؟ كلنا عارفين في ناس اوضاعهم المعيشية يندى لها الجبين والدولة ماتدري عنهم وفي ناس الضمان الاجتماعي يعطيهم رواتب بقدر 800 في الشهر وهي عائلات تحتوي المطلقة والارملة والايتام وغيره .. بسألكم كم شخص مات في سيول جدة بسبب الاهمال وبسببب الفساد الاداري في المسؤولين ؟؟؟ بسألكم هل تم تعويض كل الناس الي تضرروا وماتو في ذيك السيول ؟؟؟ الجواب لا طبعا وفيه قصص مليانة .. في كل بلد نجد هذا الشيء فهل يعني انو نقوم على الحاكم ونخلعه عشان مو لاقيين ناكل عيش ؟؟؟؟؟؟؟؟؟ ايش هذا المنطق .. يعني لو صار في السعودية كذا بيكون الموضوع مبرر على قولكم ؟؟

بجد الي ينقصنا انو نثقف انفسنا ونتعلم ونعرف عدونا الحقيقي وهو العدو الي يبث فينا هذي الفتن ويفرقنا ويخلينا نكره اخونا المسلم الي على نفس ديننا وملتنا ,,ولما يموت هذا الانسان نقول له بكل بساطة عسى ربي مايرحمه !!!!


دمتم بود وتقبلو مروري