النشاط الرابع :
(1)
الجسدي : 90%
اللهم لك الحمد اتمتع بالصحة والعافية , خالية من الأمراض الوراثية أو المزمنة وما إلى ذلك,
هنا : أنا ناوية اعمل دآيت , عشان بدي اوصل لوزني المثالي .. ماراح اقولكم كم بآنزل
العقلي : 80%
مدري النسبة تمام ولا , بس كده قدَّرتها , الحمدلله قادرة على التفكير المنطقي , حل المشكله ,
الابتكار والابداع احيانا ,
أبغى أسير مثقَّفة وعندي من كل بحر قطرة , وهذا اللي بعمل عليه (جالسة اصنع من القراءة هواية)
بما إني للأسف لستُ بقارئة ,
هنا : مرة ابداع قريت خلال السنة للان حوالي 7 كتب
طبعآ انجاز
بس عشاني قريت فالخفيف والممتع بالنسبة ليا
الإجتماعي والمشاعري : 85%
الحمدلله علاقاتي رائعة كلها , إجتماعية جدًآ , يشهد لي الجميع ولله الحمد ,
بس عندي مشكلتين (اول شيء سيئة جدًآ في التواصل) (ثاني شيء تعقدت من الصحبات)
,
هنا : بحاول بمعدل كل يومين اتواصل مع صديقة مثلآ , أو قريبة , حتى لو عن طريق الواتس
الروحي : 65%
النسبة هنا برضو حطيتها وانا مو عارفة صح اعطي نفسي دي النسبة ولا لا ,
عشان مهما كنت مُحسنة في عبادتي احس اني مقصرة
,
الحمدلله صلاتي , صيامي , وتري , حجابي , محافظتي على قراءة القرآن , أذكاري , ..
هنا : كنت وبآستمر إن شاء الله في البحث عن اشياء بسيطة بحاول أكون مداومة عليها وبأحاول بإستمرار إني استزيد ,
(2)
سحب : ما يقابله من إيداع
العصبية والانفعال : الهدوء والتروّي (واليوم اختي اخذت جزمتي اعزكم الله)
وانا عصبت مرة بس لمن جات عديت فنفسي من 1 لـ 5 واخذت نفس ولقيت نفسي اكلمها بعقل وهدوء , اتوقع هي استغررربت
أعطي وأوعد بدون وعي (يعني ممكن اتفاجأ اني ضغطت نفسي) : أنا أولا , يعني ماراح أوعد على حساب نفسي حتى لو اللي قدامي يحتاج
متأثرة بقوة بكلام الاخرين : أنا مقتنعة بكلامي وعندي أساس قوي إذا خلاص
تررررررددد كثير : بحاول اعرف كيف اتخذ القرار واقدم على الخطوة بقراري انا
مشكلتي الكبرىْ , ما أقدر اقول (انا) لأني أبكي على طووول حتى لو كنت على حق : اقدر أدافع عن نفسي وعن اللي فبالي بقوة وحجَّة
صوتي عالي حتى النقاش العادي عندي مشكله فيه وما اقدر استوعب الوشوشة ههههههههْ : المهم هنا لي اسبوع او اسبوعين اوطيييي صوتي كثيررر
أحس اني حطيت لنفسي خطة ما صار سحب وايداع ههههههههْ ,
^^ دا اللي يسموه (على الطَّاير) , دوبني جاية من الدورة ~ وآهلي خارجين
بعدين خرجة عائلية كبيرة , عشان كده ماراح أحضرررررررر للآسفف 
سامحيني مريوم والله ودَّي مرةاني احضر ,
عمومآ انا اوعدكم اني انبسط في الطلعة
ههههههههههههْ
حاجات كثير فيا بدأت اغيرها , أطورها , أعدل فيها , اللهم لك الحمد من فترة ,
وأنا اعتبر وجودي معاكم دا من خطوات تغييري للأفضل بإذن الله 