[برآءة حروف]

واجب المفرده الرابعه


النشاط الاول:

الجسدي:
يبغالي اهتم اكثر بصحتي { مهملتها شويتين في الفترة دي :( }

العقلي:
الحمدلله .. بس محتاجة دورات تطويرية

الاجتماعي و المشاعري:
خجولة .. ومااحتك في الناس .. بس مع بعض الناس (سبحان الله) اكون غير = يعني شخصيتي عن ناس وناس تفرق
مو اي احد اكون معاه على طبيعتي .. وكثير يقولوا عني متكبرة وللاسف الشديد :(
ليش لانو هما تصرفاتهم ماتدخل مزاجي ومااتأقلم معاها ..! // يحسبوا انو اذا سمعت اغاني وسويت حركاتهم اللي مالها داعي (اعياد ميلاد وعيد مدري ايش وخرابيط) حكون متواضعة معاهم واجتماعية ..!

الروحي:
الحمدلله .. احسن من غيري = بس احس نفسي تكاسلت اكثر عن قبل ..!
يلا يارب ارجع احسن واحسن اكمل حفظي للقرآن وأصلي السنن اللي سبتها مع انو كنت مداومة عليها (دعواتكم)

_________________________________


النشاط الثاني:

سحب :
الكسل ، الاهمال ، عدم تنظيم للوقت (الوقت عندي ملخبط جداً ) ، متسرعة جداً جداً ، التردد (مررة متعبني) ، حساسة جداً (بس ماأبين للناس والكل يحسبني عادي ..!) ، مااحب اجرح احد ، اجاامل ، واساعد واعطي على حساب نفسي (يعني اي احد يطلبني اوافق مااقول لا حتى لو في صعوبات عليا شويتين) ، مااتواصل مع صديقاتي (لانو اخاف اكلمهم يكونوا مشغولين اعتقاد بأنو يستحوا يقولوا بعدين اكلمك (زيي مثلاً )) (ودايماً تسير معايا احد يتصل عليا ارد وانا مشغولة بس استحي اقولهم اني مشغولة اخاف اجرحهم << لا يكثر .. والمشكلة امي تبغاني بس استحالة اقول الا اللي امون عليهم << برآآآ )
بس دي الفترة .. سرت اي مكالمة تجيني اطنشهم اذا كنت مشغولة (وبعدين ماارجع ادق عليهم (بما اني افضى في الليل) واقول يمكن نايمين واسيبهم)
مشكلتي اذا جيت اسوي شي اكون دقيقه فيه بشكل فضيع واتأخر بالساعات عليه .. لدرجة انو امي تخاصمني .. وماتخليني اساعدها في شي عشان ماأأخرهاا :(
اعصب بسرعة واهدأ بسرعة
مو جريئة .. حيوية جداً
دائماً اكون انا الصح واحاول ااكدلهم مايصدقوا الا بعد مدة ويرجعوا يقولولي نفس الشي اللي قلتو ومااقدر اكسحهم واقول ايوا .. واسوي نفسي ماقلت هالكلام قبل ..!
ودائماً يقولولي معلومة .. وبعد مدة يقولولي معلومة ثانية بنفس الخصوص واقول اها واقول المعلومة اللي قبل قالوها ليا وتكون تعارض مع اللي قالوه دحين .. ينكروا ويقولوا لا لا مافي شي زي كذا واسكت مااقولهم انو انتو قلتو كذا قبل ( مدري لييييييه << مقهوووورة )
ليش ردت فعلي دايماً السكوت والابتسامة .. ليش مااقدر ابرر .. مدررري ..!

ايداع :
متفاااائلة جداً جداً ، طموحة ، خيالي واسع ، سريعة الفهم ، واثقة من نفسي (واحيان قليلة تخونني الثقة)
حنونه ..

ودي اكون جريئة ، واعتمد على نفسي اكثر ، الرفض في بعض الامور ، ابغى اغير ردت فعلي الدائمة :( ، ابغى اغير نمط حياتي ، ابغى اشغل نفسي في اشياء مفيدة (بدل اللعب << ماتشبع منو )
ابغى اطور من نفسي اكثر (بس مافي دعم ) ، احفظ القرآن كامل (ايداع جداً مهم)

ويمكن بس كذا .. حاسة انو ردي اطول رد ..

^^