[سملّق :)]

انا بكرة حلمت في التسكين .. بس ماطلعت النتايج !!

بس بعد بكرة .. حلمت مرة ثانية في التسكين .... بس برضوا ماطلعت النتايج



جلست ثلاثة ايام احلم في التسكين .. الييييين يوم الربوع الجايي .. ولا في امل تطلع



وجلست احلم اسبوعين .. بس في الاخير بدأت الدراسة ولا نزل التسكين ..


ورجعنا ندرس تحضيري .. من جديد للمرة الرابعة على التوالي



وحلمت ان واحد نزل من مكتب العمادة والتسجيل معصصب يطالع فيني .. قال لي انت باقي هنا !!!!!!!؟؟


يالله اطلع برااااا ، انت طاااااالق طااااالق طااااااااااااااالق << مسلسل كويتي



بعدين طلع العميد هذا الشخص .. بعدين جاء ومسكني وضربني " تحت الدرج اللي في مبنى 31"


بس الحمد لله كان فيه سجادة حقت الصلاة .. وماطحت على الار ولا تعورت ولا انكسر خشمي



ولما خلص من التلطيش طلع المكتب حقه



وجلس يفكر تفكير شرير وهو ساكت مايتكلم .. بس اللي يجي جنبه يسمع صوت التفكير " زي المسلسلات "


يقوووول : هيّن ياسملقوه ، والله لوريك .. واخليك تخسر الشركة وتخسر كل شيء ، وتقعد على بساط الفقر

ولا ما اكون ضاري ولد أم ضاري



المهم بعدها قررت اني اسوي توكيل على الشركة عشان مايسرقها مني .. واعطيت التوكيل ( مرام ) بنت عمي


وقلت لها : لا تروحين تعطين التوكيل ضاريوه .. قالت : طيب ماعندج مشكله



وذاك اليوم جاء العميد مسرع بالسيارة وصدمني وانا خارج من الفيلا الكبيرة .. قصدي القصر الكبير حقي

وطحت وانا متعور واقول له : هين هين والله لاوريج ياضاريوه




وبعدييييين رجعت البيت وامي واهلي كلهم جوني يقولون : سلامات وشفيج ؟؟


قلت : الله يسلمج يمـي .. انا حطت من الدرج اللي في الشارع وتعورت


امي : الدرج اللي في الشاااااارع !!!!



قلت : لالا اقصد البيارة " الله يكرمكم "



قالت : هاو .. البيارة كانت مقفلة !



قلت ( انا مرتبك وجالس انزل عيوني في الارض عنها ) : لا يمي قصدي هذا حطت من القطار السريع ..



قالت : ايييييييه < وهي تطالعني بنص عين .. مو مصدقه



المضحك ف يالموضوع


ان المدير الشرير طلع مدير مرام في الشركة .. وحبته عشانه عزمها في مطعم 7 نجوم وشربها عصير من هذا اللي لونه زي لون الميرندا وهو في الحقيقه ماهو ميرندا .. شكله عصير لذييذ << زي اللي في المسلسلات الكويتية



المهم في الاخير تزوج ( مرام ) .. وسحب منها التوكيل .. وتركني على الحديده وعلى بساط الفقر


وفي اخخخخخخخر شيء ، وقف على باب بيتنا بعد ماطلق مرام ، وقال ( نياهاهاهاها ) الضحكة الشريرة




وفجأه وهو يضحك .. الا سهم دخل في رقبته ،،، وتوسعت عيونه ،، شوي وطاااااااااااااااح على الارض ميت !!



وفجأه الا يطلع لي من وراه ( سندباد ) + ( علاء الدين ) + ( روبين هود ) + ( باتمان ) + ( سبيدر مان ) + ( بهلول )


بهلول صراحة مدري شجابه معاهم .. بس يقولون انه خويهــم وماقدروا يستغنون عنه




المهم ، واسوف معاهم ونضحك ونفلها ذيك الليلة ... وسولف مع روبين هود اقول له ..

انا : ياخي وش جابك من شيروود ؟؟ كنت في نعمة وشجر وغاباات ومويه ؟؟ وشجابك ديار الصحاري والقفار ؟


قال لي : والله ياخوي قلت نغير جو شوي ، تعرف الدنيا صيفية .. وبيني وبينك طفشنا من البراد .. نبي نشم هواء شوي

وسندباد حلف يجي معي ،، اما علاء الدين لقيناه ف طريق مكة مبنشر عليه كفر .. وسألناه وين تبي ؟ قال جدة .. قلنا تعال معنا




واما باتمان .. سالفته سالفة .. يقول واحد اعطاه 500 ريال .. عشان يروح يتسلق اللوحة الكبيرة اللي مكتوب فيها ( ان الحج والعمرة من فرائض الله ) اللي في طريق مكة جدة .. وتحت اللوحة ساهر .. وهو يتسلقها وينتف القزاز حق ساهر

عشان ماعاد يصور العالم مرة ثانية .. المهم الرجال راح .. ويوم تسلق وصل نص اللوحة ( ومسوي يعنني الولد الخفي في الضلام ومحد يشوفه )

شوي يوم التفت الا ساهر يطااااااااالع فيه !!!!!!!!!


وش اسوي وش اسوي ؟؟؟ قال مالها الا " اخربها "



قال له ساهر : قول " تشيز"


قال : جبنـــــــــه << وصورته وهو ينطق حرف الباااء وشكله يموت ضحك


واستحى الرجال من صورته اللي تخرع



ونزل مكسور العين على الشارع يأشر .. ووقفنا له .. وركبناه معنا ..



واما بهلول .. ( وفجأة سكت روبين هود )

ثم اقترب مني وقال : ياخي والله خويي من فترة .. المشكلة هو مسلفني 5 ريال يوم كنا نفرفر بالددسن عشان نعبي بنزين ومستحي منه .. قلت يالله تعال معنا ...



وفي الاخير .. قعدنا انا وبهلول وسبيدر مان وروبين هود وعلاء الدين والشبااب كلههم نمشي في طريق طويل وقت الغرووووب ... ونسولف ونضحك


( نهاية فلم امريكي )






وهنا انتهت القصة .. قصدي الحلم .. وصحيت من النوم








بس والله ماقصرت .. اخذت بكم لفة على نتايج التسكين ورجعنا للتحضيري ورجعنا للعميد ورجعنا على مسلسل كويتي وقلبناها فلم امريكي ورجعنا سويناها الابطال الخارقون ورجعنا فرفرة ودداسن

يعني شغل مكتمل هههههههههههه





لحظة لحظة :: مونا .. ترى قسم بالله امزح :$