صباح الخير ,, جمعتكم مباركه اخواني خواتي
الاسبوع الماضي 25/6 يوم الاثنين او الثلاثاء على ما اظن ارسلوا لي ارامكو رساله على الايميل
اذا لازلت مهتم بالتدريب عندهم علي ارسال رد للايميلات المرفقه بالرساله
" نفس الرساله الي ارسلوها لبعض الاخوات "
المهم اني ردت عليهم في نفس اليوم على الايميلات الموجوده لكن ماوصلني رد منهم الى حد الان ,, كلمت الاخ تركي العنزي او الغامدي يوم الاربعا وقال " احنا بنشوف الادارات الي تحتاج لتخصصاتكم وبنرسل لكم التفاصيل "
السؤال هل في احد وصله شئ من ارامكو من بعد الرساله الاولى ؟
السؤال الثاني :ولو بقدرة القادر جانا القبول النهائي وش الاوراق الي يبونها عشان يطابقون البيانات ؟ هل يحتاج ترانسكربت من الجامعه ولا يكفي الي ارفقته لهم بالطلب ؟
وشكرا جميعا وموفقين يارب
|
مساء النور
هلا اختي
انا نفسك
جاني ايميل ورديت بالقبول
وماجاني منهم خبر
وكلمت الاستاذ تركي وجاني منه نفس الرد الي جاك
لكن بعدها بكم يوم دقت وحده من قسم التوظيف تسالني عن لغتي الانجليزية وهل اعرف استخدم الكمبيوتر او لا
وقالت انتظري منا ايميل
وانصدمت ان الايميل جاني توه
اليوم الساعه 7:30 الليل
جمعه غريبه؟؟
وقالوا اروح مكتب التوظيف بالظهران
وما حددوا أي مكتب
ولا موقع المبنى أصلا
صح انا من الشرقية بس ما ادري وين المبنى
ولا قالوا اي اجيب معي
كيف ادخل المبنى وانا ما عندي بطاقة؟؟!!!
وبالنسبة للاوراق
الي اعرفه بطاقة العائلة وترانسكربت رسمي من الجامعه وتعريف من الجامعه