[زهور العشب]

وعليكم السلام ورحمة الله وبركاته
التخصص يا عزيزتي تختاريه بنفسك ان شاء الله على بداية الترم الجاي
تاخذي ورقة تحديد التخصصات من الشؤون تبع العلوم وترتبي الرغبات فيها
وبعدها تاخذي ورقة الحذف والاضافة وتبدأي تضيفي المواد اللي تبغيها
بالنسبة لعلم الوراثة او الهندسة الوراثية هذا فرع من فروع الاحياء
(نبات- حيوان - احياء دقيقة - هندسة وراثية (جينوم) )
اذا تخصصتي احياء يصير بعد المستوى الخامس تحددي تخصصك من هذي التخصصات
متطلبات الهندسة الوراثية انك تجيبي اقل شي b+ في مواد الوراثة و بيولوجي الخلية
ومعدلك ما يقل عن 4
بس ممكن اذا كانت درجاتك عالية في هذي المادتين انهم يتغاضوا عن المعدل اذا كان اقل من 4
اللي اعرفه عن هذا القسم انه جديد ومطلوب وكمان العدد اللي يقبلوه في هذا القسم قليل مررررررررة
وعلى كلام رئيسة القسم ما يقبلوا اكثر من 30 طالبة
ما اعرف بصراحة اذا كان فيه امكانية للتحويل من علوم للتمريض لكن عموما اذا حبيتي تحولي
خذي في اول ترم او اول سنة مواد عامة (عربي+ ثقافة) ومواد حرة تكون سهلة
عشان ترفعي معدلك
بصراحة ما عندي اجابات لكل اسئلتك بس حبيت افيدك باللي اعرفه
موفقة بإذن الله