 .
ههههههههههههههههه بنات بقول لكم خبر مو حلو بس فطسني ضحك 
أرسلت ايميل لعمادة القبول والتسجيل بجامعة الملك سعود أسأله عن آلية قبول الغير سعوديات
تخيلوا الشرط الخرافي ذا ... يقول بشرط الحصول على 90 أو أعلى بالقدرات والتحصيلي
طبعاً بالبداية توقعته يقصد الموزون بالكامل ..
بعدين يوم دققت طلع يقصد القدرات 90 لحاله والتحصيلي 90 لحاله 
قلت له الله معك يابو الشباب بلا سعود بلا بطيخ قال 90 قال 
شرط تعجيزي صراحة !
شوفوا هذا اللي ارسلته بالأحمر وهو رده بالأزرق
----------------------------------------------
السلام عليكم ورحمة الله وبركاته ..
أود طرح تساؤل حول آلية قبول الغير سعوديات بجامعة الملك سعود
ماهي النسبة الموزونة المطلوبة ؟ ماهي شروط وطريقة التقديم ومتى تبدأ ؟ وهل تكون الدراسة في الفصل الأول أو الثاني
وشكراً ..
-------------------------------------
يتم التقديم يدوي بالحضور لمقر العمادة بالدرعية بشرط الحصول على 90 او اعلى في القدرات و التحصيلي
مع تحيات
قسم قبول وتسجيل الطالبات
----------------------------------------
صراحة أنا غسلت يدي من جامعات الرياض
يعني نورة تبي رسوم 18 ألف صارت جامعة أهلية سلامات !
والإمام أعتقد شروطها أخف وأسهل بس التخصصات مررة محدودة يادوب شريعة وعربي
وسعود الحين انضمت لهم بشرط 90 بالقدرات والتحصيلي
يعني حتى لو حصلنا أحد جايب 90 بيجيبها بواحد بس ياقدرات ياتحصيلي
نادر نلاقي أحد جايب 90 بالاثنين
الله يعيننا يارب ويسهل لنا القبول وبالترم الأول ياحي ياقيوم تفرحنا بالقبول وتسهله علينا
وكل من يقرا كلامي الحين ويقول آميييييييييين =)
|
ااااه ذكرتيني بالفترة اللي كنت كذا زيك وصلت لمرحله اقراأ الكلام واضحك من كثر ماهو
/
بس بنات بنبهكم هالشرط للمنح الداخليه اللي من نفس الجامعه ،،
لكن منح السفاره اليمنيه شفت الكشف بنفسي وصلوا للموزون 86 في سعود والقدرات والتحصيلي اقل من 90 ،
ونورة برضه وصلوا لحوالي 88 وبدون رسوم ،
يعني مو مشكله تنتظروا لياناير وتقدموا وبعدها بكم شهر تشوفوا اسمائكم في الكشف حق المقبولين بإذذذن الله ..
ماتضيق الا وتنفرج وماينقفل باب الا وينفتحوا عشرة .
لا تيأسوا ابقوا ابحثوا ودوروا واسئلوا <<<
واحلموا بالليل ارقام جامعات وارقام واصحوا اتصلوا عليها وهي ارقام شبه غلط ومخرفة هذه انا 
بس ان تقفلت السماعه في وجهكم انا مالي
ومهما اشتد سواد السحب فعما قريب ستـــمـــطر
لأن القادم اجمل 