اسمحولي اضيف رأيي انا حاسب مستوى سادس .. واقولكم دفعتي عانت الامرين بسبب اننا اول دفعه في الفرع الجديد(الفيصلية) لدرجة شهر ونص مافي دكاترة ...
بس الحمدلله دفعتي من 120 الى 100 طالبة حاليا ... والكل سعيد فيها واللي سحبو من نفس النفسيات دي اتحطمو من البداية اما الباقين والله ثم والله مو عشنهم دوافير .. لا في بنات يعيدو مواد للمرة التالته ..وتقلك لا مني محولة التخصص حلو ومستقبلو رووعه ..اصلا بنات الحاسب مميزين.. الوحيدين بشنط ضهر كانهم ثنوي .. ولينا مبنى خاص ابتدآءا مع الترم الجي مع اول دفعه بنات هندسة ...
بالنسبه للاقسام ح يجتمعو دكاترة المواد طول الترم ويفهموكم كل شي فلا تستعجلو
اول ترم حيكون مبآدئ بس لانو من التحضيري مارح تاخدو الا احصا وانجلش وحاسب طبعا
تقدرو تقولو حتكونو مميزين ومالكم اي دخل بباقي الكليات.. مستقلين .. كانكم طب بتشرحوو اجهزه :p
وبالنسبة للمستقبل ترى قليل الوظايف اللي تطلب قسم معين من الحاسب ..الباقيين انتو كمبيوتر يلا....
وكل التخصصات فيها برمجة بس بعد كم مستوى تبدا التخصصات تنفصل وكل قسم ياخد شي مختلف عن التاني
لحد يقول تخصص مالو داعي تخصص مالو مستقبل تخصص مررة صعب...كلها كلام فاضي ..التخصص من حياتناا .. ممكن تسوو برنامج عن اي شي في حياتكم ..هي كلها كم جمله تحفظيها ولاخر السنة تجربي كيف تسوي بيها حركات...دا اتفه وصف ممكن تفكري بيه..
دا كل اللي حبيت اقولو ...دفاعا عن تخصصي ورغبتي الوحيدة وليست الاولى فقط