رد: اي اسئله عن التحويل لكلية ابن سينا الاهليه انا جاهزه
* ان يكون الطالب من خريجي الثانوية العامة للعوام الدراسية 31/1432هـ و32/1433هـ ..... هذا شرط من شروط المنحة وانا من خريجي 32 يعني السنة الجاية ما يمديني اقدم على المنحة لأنو حيسير لخريجي 33 و34 صح كذا ولا أنا غلطانة ؟؟؟؟ بلييييز إلي عندو خلفية عن الموضوع ياليت يفيدني لأنو طموحي طب وقررت السنة الجاية ان شاء الله اقدم على المنحة و اسجل بابن سينا لأنو دي السنة قفل التسجيل بس بعد ما قريت الشرط دا مرة اتحطمت ياريت تساعدوني
يب للأسف لازم تكوني خريجة هادي السنة
او السنه اللي فاتت لو بعد كدا حتروح عليكي المنحة ..
سسلآم ي عسسلولهه
بمآ انك من كلية ابن سينا بسألك كم سؤال
منجد يقولو اللي ف كليات ابن سينا ما يتوضفو ف مستشفيات حكوميةة ؟؟
و انو الاولى في التوضيف بنات الجامعات الحكومية ححتا لو كانت معدلاتهم اقل مننآ
بأيش تنصحيني ايش احسن الكليات الاهلية ف جدة
انا لما سألت عن دا الشي قالتلي بعد ما تخلصي دراسه في كليتنا
تختبري اختبار هيئة التخصصات وبعد كدا تقدمي على ديوان الخدمة
زيك زي اي طالب متخرج من جامعة حكومية
وماتقدري تحكمي على دا الشي لأنو ما تخرجت من عندهم غير دفعتين من البشري اتوقع ..
ومن ناحية الأفضلية .. للكليات الصحية ما اعطيكي حكم
بس ابن سينا أقدم كلية وأول كلية صحية أهليه عشان كدا خبرتها أكيد اكتر ..
ساره 1993 بما انك روحتي أمس إبغى أسألك كم سؤال
إنتئ قولتي حطوكي انتظار صح طيب إنتئ سجلتي بحسابك ولا منحه
وهل في منحه موارد ولا لا
وايش الأوراق إلي أخذتيها معاكي وكم طلبو منك أو كم دفعتي ياليت تردي عليا لأن إبغى أروح بكره الصباح أن شاء الله وماعندئ مشكله لو حطوني انتظار مع العلم انو ماعندئ مشكله أعيد التحضيري
كلل الناس تسجل بحسابهها في البداية وبعد ماتقدم في المنحة لو انقبلت ترجعلهم فلوسهم
وسبق وقلت مافي موارد
الأوراق غالباَ كانت شهادة الثنوية أصل وصورة
4 صور مقاس 4 * 3
كشف درجات رسمي من جامعة الملك عبد العزيز
شهادة حسن سيرة وسلوك اذا توفر
نسبة القدرات والتحصيلي ولازم تكون فوق 70%
وان شالله ماكون نسيت شي
حتدفعي 26 الف للبنك وتوديلهم الايصال
منها 1000 رسوم التسجيل غير مستردة
بس قبلها تتأكدي انو لسا باقي مكان
وآسفة اللي مارديت عليهم لأني ماعرف ايش الحل لهم ..
|