[هم وانطوى]

BACK

بالنسبة للترم الثاني ..

1- MENG102 ( الرسم الهندسي ) / 3 ساعات: تعتبر من مواد الهندسة الميكانيكه.. الماده هاذي مممتتعه جدا جدا وسسهله كلها عبارة عن رسم اشكال هندسية بإستخدام برنامج (Solidswork) .. ويوجد في اليوتيوب قناه لشرح الأوامر الموجوده في البرنامج .. دراسه الماده هاذي كلها ع الكمبيوتر ومافي رسم يدوي .. والمشروع تسويه مع تيم متكون من 3 طلاب ..

طبعا تدريس الماده يكون على يد مجموعه من المهندسين في القاعه .. يعني تلاقي كل يوم مهندس يقيمك على شغلك ..
نظام الماده ( 30 درجه نهائي , 10 درجات مشروع , اعمال السنة وهيا الواجبات وشغلك في القاعه 20 درجه , و 10 درجات كويزات ,15 درجه ميجور أول , 15 درجه ميجور الثاني ) ..

نصيحتي لهاذي الماده / اول اسبوع في الماده هاذي ممكن تحس نفسك ضايع وماتعرف كيف تشتغل ع البرنامج لكن بتتعود عليه وبتشوفه جدا سسهل .. وعليكم بالتدريييب ثم التدرييييب ثم التدرييب .. لازم تنزل البرنامج بجهازك في البيت وتقعد تتمرن ع رسمات في كراسه يبيعوها لك .. ويجي منها رسمات الكويزات والمياجر .. يعني لو تمكنت من اغلب الرسمات اللي في الكراسه تضمن درجااات عاليه في الاختبارات

وهاذي وحده من الرسمات اللي سويتها وانا طفشان في البيت

2- CHEM281 ( معمل كيمياء عامه ) / ساعه واحده : معمل كيميا بالنسبة لي يعتبر من المعامل الممله في اول سنة هندسه ماكنت اعطيه اي اهتمام .. يعلمك مجموعه من التجارب , زي المعايرة .. الخ > ناسي البقيه .. الماده سسهله تعملو 8 تجارب على مااظن وتختبرو نهاية الترم اختبار نظري وعملي .. ( الاختبار النظري يكون نموذج واحد غالبا يختبروه كل الشعب فحاول تاخذ فكرة عن الاسئلة من الشعبه اللي قبلك ) والعملي تسوي تجربه ويقيمك عليهاا .. انا نزلتها عند واحد مكاوي اسمه ايمن الهاشمي .. صراحه دكتور يتكلم من خشمه ويقعد للواحد في البلعوم .. بس يعطيك حقك ومايزود ولا درجه .. والعيب اللي فيه انه يختبرك اختبار نظري في 5 دقايق والاختبار فيه عمليات حسابيه وكتابه معادلة ..

نصيحتي للماده / زي نصيحتي لمعمل الفيزيا لا تغيب فيها لانها معمل واحد بالاسبوع .. وتضمن فيها A+ بالراحه ..

3-MATH203 ( تفاضل وتكامل (3) ) / 3 ساعات : المااده في الاصل مليااانه قوانين لكنها سسهله واسهل من MATH 202 ومع الدكتور محمد السيد صايرة زي العرربي جدا جدا سسهله .. الماده تتكلم عن اقطوع ( القطع الزائد والناقص والمكافئ) ومواضيع اخرى لاتحضرني .. لكنها سسهله .. قانون وتعوض ..
طبعا انا نزلتها عند الدكتور محمد السيد .. والدكتور غني عن التعريف .. الله يجزاه كل خير ..

نظام الماده ( 30 درجه ميد تيرم اول , 30 ميد تيرم ثاني , 40 نهائي ) ..

نصيحتي للماده / حاولو انكم تنلزوها عند الدكتور السيد .. احضروا مع الدكتوور واكتبووه معااه في الدفتر لأنه اسئلة الاختبار كلها من الدفتر بس اللهم تغير ارقام .. وقبل الاختبارات روحو مكتبه خوارزم في كليه العلوم واشترو اختبارات سابقه وذاكرروها وركزوو عليها .. لأنه 95 % من الاسئلةتجي زيها وبالنص احيانا ..

4- ARAB201 ( اللغة العربية (2)) / 3 ساعات : في الهندسة بصفه عامه ماحتدرسوا غير مستووين لغة عربي .. والمستوى الثاني يعتبر اسسهل بكثيييييييير من المستوى الاول .. يتكلم عن كيفيه كتابه المقال والقصه والمسرحيه والخاطرة والسيرة الذاتيه .. اشياءء جدا بسيطه والاغلب عنده خلفيه عنها ..

نزلتها عند الدكتور محمد الغامدي .. الدكتور عسسل وطيب ويشرح بضميير واحسه متفاعل مع الطلاب .. ويزود 5 درجات بونس للي مايغيب كثيير ..

نصيحتي للماده / لا تشيلو همها كثيير .. ولكن اعطوها حقها ..

5-EE201 (البرمجه الحسابيه المهيكله)/ ساعتين : تعتبر من مواد الهندسة الكهربائيه .. بحق الماده هاذي حلووة وممتعه لكن للأسف الدكاترة اللي يدرسوها من جنب جنب جنبهاا .. تتكلم عن حل المسئل الرياضيه باستخدام الكمبيوتر , والمصفوفات , وكتابه برامج .. عن طريق استخدام برنامج الـ (MATLAB) .. الماده فيها محاضرات ومعمل .. المعمل تطبق فيه الاوامر اللي اخذتها ع الكمبيوتر ..لو فهمت الماده ودركتها مزبوط وفهمت الافكار الرئيسيه الباقي كلو يزبط معاك .. من امثلة اسئلتها .. يعطيك برنامج ويقولك تتبع هذا البرنامج وطلعلي النواتج او المخرجات من هذا البرنامج .. وعلى حسب فهمك للاوامر تقدر تتبع البرنامج .. لها ملخص حق الدكتور علاء جوده ممتااااز وتفهم منه الاساسيات .. انا نزلتها عند الكتور جهانزيب خان (اجنبي الجنسيه) ويشرح باللغه الانقليزيه المفهومه ..
الدكتور بأمانه طيب ومحترم واعطاني درجات الواجبات والكويزات كلها فل .. وهوا اللي يصحح الاختبارات ويراعي في التصحيح كثيييير .. وبالنسبه للمعمل نزلتها عند معيد اسمه رامي الزهراني .. شااب ينقط عسسل محترم جدا ومتعاون ويساعدك حتى في اختبارات المعمل .. وفي دكتور سمعته سيئة واخلاقه سيييئه جدا .. يدعى الدكتور علاء الخولي .. انتبهو منه

نصيحتي للماده / نزل البرنامج في كمبيوترك وتابع السلايدات اللي ينزلها دكتورك في الموقع الخاص بالماده .. وطبق في البرنامج .. لانه بدون تطبيق بتفهم فكرة اساسيه بس لكن في تريكات ماهي موجود بالسلايدات تقدر انت تجربها بالبرنامج .. ذاكر الماده اول اول نصيييحه ولا تراكم على نفسك الاواامر وتضيع بينها ..

كذا الجدول عبارة عن 12 ساعه ..

الترم الثاني كنت مريح جدا في الدراسه وكان عندي يوم اوف .. والغلطه اني مانزلت فيزيا 202 في الترم الثاني ..
بس الحمد لله الحين منزلها في الصيف .. ويكون كذا قفلت ع الخطه وزياده ماده عربي 2 اللي من خارج الخطه ..
وباقيلي ماده IE 201 باخذها السنة الجايه ان شاء الله ..

التحضيري (27) + الترم الاول (14)+ الترم الثاني (12) = 53 ساعه ..
- عديت عدد السااعات المطلوب عشان التخصص ..
- خلصت ماده الـ IE 200 اللي اشترطوها للطلاب عشان يتخصصوا ..

كذا انتهيت .. وسامحونا ع التأخير واذا كان في اخطاء املائيه مشوها > كتبت الرد على عجلة

وا استفسار نحن حاضرين

موفقين يارب ..