[dr.ro0ody]

المشاركة الأصلية كتبت بواسطة sweet dreamz سيرين حبيبتي .. انتي سويتي اللي عليكي صح ؟! كتب الله عليكي وما انقبلتي .. ما استسلمتي ورحتي حاولتي صار اللي صار .. وقدر الله وماشاء فعل كلمتيهم وردوا عليكي بدون نفس وحبطوكي وكل وحده ترمي كلام من راسهاا.. وانا برأيي لا تاخذي منهم كلممه ابدن وربي ماعندهم سالفه ويبغون يمشونك وبس المقصصد لا تضيعي اترام وسنين من حياتك عشان كلامهم اللي مايودي ولا يجيب انقبلتي حاسب صح ؟! والتخصص اللي انتي تبغيه قريب من هندسه الحاسبات جدا وفيه كثير مواد مشترككه بينهم اذا انتي معزمه تحققين حلمك وتدخلي الهندسه زي ماقال اخوي خالد .. خذي المواد المشتركه بينهم .. عشان ان شاء الله وبإذن الله وانا واثقه فيكي انك بتجيبي معدل عالي واذا جبتيه تقدري تحولي وتعادلي موادك ومايضيع عليكي ترم ولا سنه هذا اذا كنتي مصره عالهندسه ,, *طيب بسألك الحاسب الحين ماعجبك ولا حاولتي تتقبليه ؟؟ والله مو عشان بحاول اخفف عليكي ولا شي بس وربي انه الحاسب تخصص ممتع جداا ومو لأي احد وأقسامه حلوه ونفس ميولك انتي بحكم انك تحبي الرياضيات .. هذا غير انه تخصص قوي والحاسب لغه العصصر الجديده ومجالاته كثيره في كل مكان لا غنى عنه وهذا شي مايتجادل فيه اثنين ادخلي الموقع حقهم على الجامعه واقري عن الاقسام حاطين لك كل شي عنهم http://computing.kau.edu.sa/default.aspx?site_id=611 روحي قسمهم في المنتدى واسألي عنه .. حاولي تحببي نفسك فيه وحطي في بالك انه مو بعيد عن حلمك اللي تبغيه .. لا تجلسي تستني الشي يجيكي .. انتي اتحركي ودوري واقري الين تقتنعي وانا عارفه ومتأكده انك حتبدعي سواء كنتي في هندسه ولا حاسب ولا اي شي انتي شاطره ومجتهده ماشاءالله عليكي وسويتي اللي مطلوب منك .. بس خيره من ربي انك ما انقبلتي وماتعرفي ايش الاسباب .. حتعرفيها بعد كم سنه وحتفتكري كلامي هذا ككوويس خلاص لا اشوفك مكشره بعد كذا ولا زعلانه .. حتنضربي! الله يوفقك يارب وين ماتكوني وينورلك دربك ويفتح على بصيرتك يارب ويجعل الخير من نصيبك .. قولي آمين =) آسسفه ع الأطاله ><"

كلامها الله يجزاها خير كلوا صح
صدقيني مااتعرفي فين الخيرة _____ كليه الهندسة للبنات لسا دي اول سنة واول دفعة
وانتي عارفه كيف في السعوديه عندنا معروف الهندسه = للاولاد فقط
مااتعرفي يمكن لما تتخرجي بعد كم سنة يقولوا انتم بنات مالكم وظائف__وخصوصا نحن اول دفعة ويجربوا لسا !
ادا قطاع الهندسه للاولاد مو علطول بيلاقوا وظائف وفيه زحمة عندهم على الوظائف فما بالك ادا كان دخلوا معاهم البنات !

ولكن الحاسب تخصص معروف + مضمون وانتي عارفه نحن في عصر التقنيه والانترنت ونحتاج الحاسب كتير سواء في مدرسه او مستشفى او شركة اوبنك او مصنع كلوا بيعتمد على حاسب وبرمجه وخصوصا itبنت خالتي تخرجت منوا قبل سنتين وتوظفت علطول في بنك

شوفي صدقيني انا ماابقولك دا الكلام عشان اخفف عنك او انسيكي لا والله بقولك عشان ابغا اوضح لك الايجابيات والسلبيات
انا معاكي انوا تخصص الهندسه حلو ورائع لكن تتوقعي للبنات كيف راح يكون الوضع ؟؟؟؟
وممكن كمان بعد كم سنة يكون في وظائف للبنات


عشان كدا انا ماراح اقولك اتنازلي عن حلمك او خلاص !!!
لا كملي ورحي ودوري ولاتتنازلي عن حلمك وفي نفس الوقت يكون عندك يقين انوا ربي كاتب لك الخير سواء هندسة او حاااسب
وراح ندعيلك وماراح ننساكي
وانتظري التحويل ادا تحولتي راح نقولك الف مبروك يامهندسة واخيرا تحقق تحلمك
ادا ماتحولتي صدقيني هادي خيرة من ربنا عارفة ليش ؟ لان ماشاءالله موزونك عالي +مافي فرق بينك وبين نسبه الكلية الا شي بسيط + روحتي وقدمتي وطلبتي تحويل ولكن ! ربي ماكتب لك نصيب فخلاص هادي خيرة من ربنا
انت تريد وانا اريد والله يفعل مايريد
كل حاجة مكتوبه ياحلوة

وان شاءالله بإذن الله تتحولي ولكن ارجع اقول ادا ماتحولتي لازم يكون يقين في قلبك انوا هادي الخيرة وارجعي فكري في سلبيات الهندسة وانك راح تكوني اول دفعة ودا الكلام كلوا



ربي يوفقك واهم حاجة ربي يكتب لك اللي فيه الخير هندسه او حاسب