[طُهر]

المشاركة الأصلية كتبت بواسطة - h السلامو عليكم .. شفت انا جدول التسكين لدفعتكم 2012 و ماشالله الموزون اللي الطب وقف عليها عالي جدااااً ! و انااا مراااا خاايفة من التحضيري وابغا اعرف كيف طريقة مذاكرتكم كاانت ؟ و استاذاتكم مين ؟ وهل احتاج خصوصيين ولا لاا ؟ يااريت كل وحدة تدخل هناا وتكتب طريقتها في المذاكرة في كلا الخطتيين و طريقة تنظيمها لوقتها كماان مو بسس بنات الطب اي وحدة معدلها و موزونها عالي عشان انا و التحضيرييات الجدد اللي زيي نستفيد و شككرا مقدمااا

اول شيء اهلا وسهلا معانا في عالمنا العزوزي الكبير

اهم شيء بجامعتنا انك تحطي الاشاعات وكلام البنات والشوشره على جنب وتصيري ماتسمعي
المذاكره على حسب خطتك بعض المواد لها ملخصات تفيدك كويس وتساعدك الاكسرسايز اللي فيها زي الماث والفيزكس والكيمياء والاحصاء والاحياء

احضري محاضراتك وركزي وانتبهي لشرح الدكتوره وسجلي الاشياء المهمه لازم تعملي دفتر يكون معاك تكتبي كل شيء ولا تستهيني بكل صغيره ممكن تفيدك..

كمان اهم شيء قبل اي اختبار تذاكري اولد اكزام ( اختبارات سابقه ) عشان تستفيدي وتعرفي طريقة الاسئله ..

وشدس حسيلك في كل المواد لا تقولي انا والله ابغى طب وحشد حيلي فيلو ببس لا ترى يفرق المعدل معاك وكمان ماتعرفي اش يصير بالمستقبل وهيئي نفسك الطب او الحاسب او الهندسه كلهم حلوين واذا مو منهم اكيد في اشياء جميله بالكليات الثانيه..



والله معاككك بس اوعي تلعبي كثير وتضيعي نفسك لانك بجامعه مو ايام ثانوي



انا حبيت انقل لك تجربتي يمكن تستفيدي



والله يوفقك ويوفقك كل التحضيريات الجدد