[مجرد امراة]

بالنسبة للي ارسلت تسأل ع الخاص
أولاً : اعتذر ما قدرت ارسل ردي لأن مشاركاتي اقل من 100
ثانيًا : عشان تحولين من جامعة لآخرى لازم اول شي تفتحين موقع الجامعة اللي تبغينها وتقرين في صفحه العمادة والقبول حقهم , ايش الشروط والمستندات المطلوبه ومواعيد التحويل لأنها تختلف من جامعة لآخرى .
أكيد بيطلبونك السجل الاكاديمي الرسمي وهذا تجيبيه من العمادة يقولولك اودعي في سامبا (فرع الجامعه ) 10 ريال وتآخذين الايصال وتروحين للعماده تعطيك السجل مختوم .
ثالثًا : ملفك ما تسحبينه ولا تقدمي اخلاء طرف الى ان تقبلك الجامعه المحوله اليها وتقولك جيبي ملفك , اذا ما ارسلوا لك قبول لا تسحبينه ابداااا لأنه بيلغي تسجيلك بعبدالعزيز وتسجلين من جديد وتبدأي من الصفر .
واستخيري أولا واخيًرا , والتوفيق بيد الله وحده

اذا عندك اي استفسار لا تترددي , الناس للناس